ໃນວັນທີ 19 ພຶດສະພາ 2023, ທ່ານ ຮອງລັດຖະມົນຕີ ທອງຜ່ານ ສະຫວັນເພັດ ໄດ້ພົບປະທາງໄກກັບ ທ່ານ Weldon Epp, ຜູ້ຊ່ວຍຮອງລັດຖະມົນຕີຕ່າງປະເທດການາດາ ຮັບຜິດຊອບອິນໂດ-ປາຊີຟິກ ທັງເປັນເຈົ້າໜ້າທີ່ອາວຸໂສຂອງ ການາດາ ຕໍ່ວຽກງານອາຊຽນ.
ໃນໂອກາດນີ້, ທັງສອງຝ່າຍ ໄດ້ຕີລາຄາສູງຕໍ່ການຮ່ວມມືອາຊຽນ-ການາດາ ໂດຍສະເພາະຄວາມຄືບໜ້າໃນການຈັດຕັ້ງແຜນປະຕິບັດງານອາຊຽນ-ການາດາ (2021-2025). ພ້ອມນີ້, ໄດ້ແລກປ່ຽນຄວາມຄິດເຫັນ ກ່ຽວກັບການຍົກລະດັບເປັນຄູ່ຮ່ວມຍຸດທະສາດ ລະຫວ່າງ ອາຊຽນ ການາດາ ແລະ ການສະເໜີຈັດກອງປະຊຸມສຸດຍອດອາຊຽນ - ການາດາ ໃນເດືອນກັນຍາ 2023