ວັນທີ 6-8 ມີນາ 2023 ທີ່ ຈາກາກຕາ, ອິນໂດເນເຊຍ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນໍາພາຄະນະຜູ້ແທນເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ, ກອງປະຊຸມໜ່ວຍງານວິຊາການຂອງສະພາປະສານງານອາຊຽນ ຄັ້ງທີ 15 ກ່ຽວກັບການສະໝັກເຂົ້າເປັນສະມາຊິກອາຊຽນ ຂອງຕີມໍແລັດສະເຕ, ກອງປະຊຸມເຈົ້າຫນ້າທີ່ອາວຸໂສ ອາຊຽນ ບວກສາມ ແລະ ກອງປະຊຸມເຈົ້າໜ້າທີ່ອະວຸໂສຂອບກອງປະຊຸມສຸດຍອດອາຊີຕາເວັນອອກ ພາຍໃຕ້ຄໍາຂວັນ "ອາຊຽນມີຄວາມສໍາຄັນ: ສູນກາງແຫ່ງການຈະເລີນເຕີບໂຕ" ໂດຍການເປັນປະທານຂອງອິນໂດເນເຊຍ 2023 ເພື່ອກະກຽມໃຫ້ແກ່ ກອງປະຊຸມສຸດຍອດ ອາຊຽນ ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງທີ່ຈະຈັດດຂຶ້ນໃນກາງປີ ແລະ ທ້າຍປີນີ້ ທີ່ ອິນໂດເນເຊຍ.
ພ້ອມດຽວກັນນີ້, ທ່ານ ຮອງລັດຖະມົນຕີ ທອງຜ່ານ ສະຫວັນເພັດ ພ້ອມດ້ວຍຄະນະກໍໄດ້ສືບຕໍ່ເຂົ້າຮ່ວມກອງປະຊຸມ ເຈົ້າໜ້າທີ່ອາວຸໂສອາຊຽນ-ອິນເດຍ ແລະ ກອງປະຊຸມເຈົ້າໜ້າທີ່ອາວຸໂສອາຊຽນ-ສ.ອາເມຣິກາ ເພື່ອທົບທວນຄືນການຮ່ວມມື ແລະ ວາງທິດທາງໃນອານາຄົດ.
----------------------------