ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມສຳມະນາ ພາຍໃຕ້ຫົວຂໍ້ “ ການແລກປ່ຽນບົດຮຽນ ກ່ຽວກັບ ການຍາດແຍ່ງຜົນປະໂຫຍດຈາກການນຳໃຊ້ລົດໄຟ ລາວ-ຈີນ ”

 

Lao chiana railway 2

Lao chiana railway 3

 

ໃນວັນທີ 02 ມິຖຸນາ 2022, ສະຖາບັນການຕ່າງປະເທດ, ກະຊວງການຕ່າງປະເທດ ໄດ້ຈັດກອງປະຊຸມສຳມະນາ ພາຍໃຕ້ຫົວຂໍ້ “ ການແລກປ່ຽນບົດຮຽນ ກ່ຽວກັບ ການຍາດແຍ່ງຜົນປະໂຫຍດຈາກການນຳໃຊ້ລົດໄຟ ລາວ-ຈີນ ” ທີ່ ແຂວງອຸດົມໄຊ ໂດຍໃຫ້ກຽດເຂົ້າຮ່ວມເປັນປະທານ ຂອງ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ແລະ ທ່ານ ຄໍາພຽງ ຢາຈົງວາ, ຮອງເລຂາພັກ ແຂວງອຸດົມໄຊ. ຊຶ່ງມີຜູ້ເຂົ້າຮ່ວມຈາກ ກະຊວງການຕ່າງປະເທດ, ກະຊວງໂຍທາທິການ ແລະ ຂົນສົ່ງ, ຄະນະກຳມະການຮ່ວມມືລາວ-ຈີນ, ສະພາການຄ້າ ແຂວງຢູນນານ ປະຈໍາລາວ, ຜູ້ຕາງໜ້າຈາກນະຄອນຫຼວງວຽງຈັນ, ພາກສ່ວນທີ່ກ່ຽວຂ້ອງຂອງແຂວງຫຼວງພະບາງ, ແຂວງຫຼວງນ້ຳທາ, ແຂວງອຸດົມໄຊ ແລະ ແຂວງວຽງຈັນ ທັງໝົດຈຳນວນ 50 ທ່ານ.  ການຈັດກອງປະຊຸມໃນຄັ້ງນີ້ ເພື່ອເປັນການຮັບຟັງການຕີລາຄາຜົນສຳເລັດ, ຂໍ້ສະດວກ ແລະ ຂໍ້ຫຍຸ້ງຍາກ ໃນການນໍາໃຊ້ເສັ້ນທາງລົດໄຟລາວ-ຈີນ ຈາກບັນດາຂະແໜງການກ່ຽວຂ້ອງຈາກສູນກາງ ແລະ ທ້ອງຖີ່ນ ນັບຕັ້ງແຕ່ມື້ເປີດໃຫ້ບໍລິການມາແຕ່ຕົ້ນເດືອນທັນວາ 2021 ຈົນເຖິງປັດຈຸບັນ. ພ້ອມດຽວກັນນັ້ນ, ກໍເພື່ອເປັນການປຶກສາຫາລື ແລະ ແລກປ່ຽນບົດຮຽນ, ຂໍ້ສະເໜີແນະດ້ານນະໂຍບາຍຕ່າງໆໃນການຍາດແຍ່ງຜົນປະໂຫຍດຈາກເສັ້ນທາງ ທາງລົດໄຟ ລາວ-ຈີນ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ເວົ້າລວມ, ເວົ້າສະເພາະແມ່ນເສດຖະກິດ-ສັງຄົມຂອງ ບັນດາແຂວງທີ່ມີເສັ້ນທາງລົດໄຟຜ່ານ, ເປັນຕົ້ນແມ່ນ ໃນການສົ່ງເສີມການຜະລິດເປັນສິນຄ້າຂອງແຕ່ລະເຂດແຄ້ວນໃຫ້ນັບມື້ນັບຂະຫຍາຍຕົວ, ການພັດທະນາແຫລ່ງທ່ອງທ່ຽວ ແລະ ການພັດທະນາຂະ ແໜງການອື່ນໆທີ່ຕິດພັນ. ບັນດາຄໍາຄິດຄຳເຫັນ ແລະ ບົດຮຽນ ທີ່ນໍາມາແລກປ່ຽນໃນກອງປະຊຸມດັ່ງກ່າວ, ຈະກາຍເປັນຂໍ້ມູນ ແລະ ບ່ອນອີງທີ່ສໍາຄັນໃນການຄົ້ນຄວ້າວິໃຈ ຂອງໂຄງການຄົ້ນຄວ້າຮ່ວມລາວ-ຈີນໃນຕໍ່ໜ້າ, ເຊິ່ງໂຄງການດັ່ງກ່າວໄດ້ຮັບການສ້າງຕັ້ງຂຶ້ນຢູ່ສະຖາບັນການຕ່າງປະເທດໃນປີ 2015.

 

 

ໃນພິທີກ່າວເປີດກອງປະຊຸມ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ໄດ້ຕີລາຄາສູງຜົນສຳເລັດຂອງການຮ່ວມມື ລາວ-ຈີນ ໃນໄລຍະຜ່ານມາ, ໂດຍສະເພາະແມ່ນໂຄງການທາງລົດໄຟລາວ-ຈີນ ພາຍໃຕ້ຂໍ້ລິເລີ່ມ “ ໜຶ່ງແລວ ໜຶ່ງເສັ້ນທາງ ” ທີ່ສອດຄ່ອງກັບນະໂຍບາຍຂອງ ສປປ ລາວ ໃນການຫັນປ່ຽນສະຖານະພາບຂອງປະເທດທີ່ບໍ່ມີຊາຍແດນຕິດຈອດກັບທະເລໃຫ້ກາຍເປັນປະເທດເຊື່ອມໂຍງ-ເຊື່່ອມຈອດ, ເຊິ່ງຈະນໍາຜົນປະໂຫຍດຢ່າງມະຫາສານມາໃຫ້ປະຊາຊົນສອງຊາດ ລາວ-ຈີນ. ນອກນັ້ນ, ທ່ານຍັງໄດ້ຮຽກຮ້ອງໃຫ້ທີ່ປະຊຸມຍົກສູງຄວາມຮັບຜິດຊອບ ປຶກສາຫາລືກັນຢ່າງກົງໄປກົງມາ, ເພື່ອໃຫ້ສາມາດເຫັນໄດ້ຜົນສຳເລັດ, ຂໍ້ສະດວກ, ຂໍ້ຫຍຸ້ງຍາກ ແລະ ວິທີແກ້ໄຂ ແນໃສ່ນໍາໃຊ້ເສັ້ນທາງລົດໄຟລາວ-ຈີນໃຫ້ເກີດປະໂຫຍດສູງສຸດ.  

 

ຕະຫຼອດໄລຍະເວລາ 01 ວັນ, ໂດຍການນໍາພາກອງປະຊຸມຂອງ ທ່ານ ໄມ ໄຊຍະວົງສ໌, ຫົວໜ້າສະຖາບັນການຕ່າງປະເທດ ກອງປະຊຸມໄດ້ຮັບຟັງການນໍາສະເໜີບົດຈາກບັນດາທ່ານວິທະຍາກອນ ທີ່ມາຈາກສູນກາງ ແລະ ທ້ອງຖິ່ນ ຈຳນວນ 03 ຫົວຂໍ້ຄື: ຜົນສໍາເລັດຂອງການຮ່ວມມື ລາວ-ຈີນ, ການຈັດຕັ້ງປະຕິບັດຂໍ້ລິເລີ່ມ “ ໜຶ່ງແລວ ໜຶ່ງເສັ້ນທາງ ” ຢູ່ ສປປ ລາວ ແລະ ບົດຮຽນໃນການຍາດແຍ່ງຜົນປະໂຫຍດ ຈາກເສັ້ນທາງລົດໄຟ ລາວ-ຈີນ ຂອງບັນດາແຂວງ (ນະຄອນຫຼວງວຽງຈັນ) ທີ່ມີລົດໄຟແລ່ນຜ່ານ.

 

ກອງປະຊຸມໄດ້ປິດລົງດ້ວຍຜົນສຳເລັດອັນຈົບງາມ, ເຊິ່ງໃນຕອນທ້າຍຂອງພິທີ, ທ່ານ ໄມ ໄຊຍະວົງສ໌, ຫົວໜ້າສະຖາບັນການຕ່າງປະເທດ ໄດ້ສະແດງຄວາມຊົມເຊີຍ ແລະ ຂອບໃຈຜູ້ຕາງໜ້າຈາກພາກສ່ວນຕ່າງໆ ທັງສູນກາງ ແລະ ທ້ອງຖິ່ນ ທີ່ໄດ້ແລກປ່ຽນບົດຮຽນຢ່າງກົງໄປກົງມາ ເຊິ່ງເປັນປະໂຫຍດໃຫ້ແກ່ຜູ້ເຂົ້າຮ່ວມກອງປະຊຸມເວົ້າລວມ, ເວົ້າສະເພາະນັກຄົ້ນຄວ້າຂອງສະຖາບັນການຕ່າງປະເທດ ເພື່ອເປັນຂໍ້ມູນໃນການສືບຕໍ່ວຽກງານຄົ້ນຄວ້າ ເພື່ອນໍາເອົາຜົນປະໂຫຍດມາໃຫ້ປະເທດຊາດ ແລະ ປະຊາຊົນ, ປະກອບສ່ວນເຂົ້າໃນການຟື້ນຟູເສດຖະກິດ-ສັງຄົມ ພາຍຫລັງທີ່ໄດ້ຮັບຜົນສະທ້ອນຈາກການລະບາດຂອງພະຍາດໂຄວິດ-19.

ແຈ້ງການ

* ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ (21 ມີນາ 2024)

 

* ເຊີນເຂົ້າຮ່ວມ ການແຂ່ງຂັນອອກແບບໂລໂກແອັກແມັກ (ACMECS) (28 ກຸມພາ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (ວັນທີ 22 ກຸມພາ 2024)

  

* ກະຊວງການຕ່າງປະເທດ ເປີດຮັບສະໝັກລັດຖະກອນໃໝ່ ປະຈໍາປີ 2024(January 29th, 2024)

  

 *ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
480398
ມື້ນີ້56
ມື້ວານ172
ອາທິດນີ້796
ເດືອນນີ້6629