ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມ ປຶກສາຫາລື ອາຊຽນ-ສ.ເກົາຫລີ ຄັ້ງ 23

 

VFMthongparn

 

ໃນວັນທີ2-3ກໍລະກົດ 2019, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການ​​ຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ປ າວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມປຶກສາຫາລື ອາຊຽນ-ສ.ເກົາຫລີ ຄັ້ງ23, ທີ່ ບັນດາເຊລີ ເບກາວັນ, ບຣູໄນ ດາຣູສະລາມ, ພາຍໃຕ້ການເປັນປະທານຮ່ວມຂອງ ທ່ານ ນາງ Emaleen ABD Rahman Teo, ຫົວໜ້າຫ້ອງການກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງບຣູໄນ ແລະທ່ານ Yoon Soongsu, ຮອງລັດຖະມົນຕີຕ່າງປະເທດ ຜູ້ຮັບຜິດຊອບວຽກງານການເມືອງ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສ.ເກົາຫລີ.

ກອງປະຊຸມໄດ້ທົບທວນຄືນ​ ແລະ ຕີລາຄາສູງຕໍ່ ຄວາມຄືບໜ້າຂອງການຮ່ວມມື ອາຊຽນ-ສ.ເກົາຫລີ ໃນໄລຍະໜຶ່ງປີຜ່ານມາ ໂດຍສະເພາະການຜັນຂະຫຍາຍຜົນຂອງກອງປະຊຸມສຸດຍອດ ອາຊຽນ-ສ.ເກົາຫຼີ ຄັ້ງທີ 20 ໃນເດືອນ ພະຈິກ 2018 ທີ່ ສິງກະໂປ ແລະ ການຈັດຕັ້ງປະຕິບັດແຜນປະຕິບັດງານ ອາຊຽນ-ສ.ເກົາຫລີ 2016-2020 ທີ່ກວມເອົາຂົງເຂດ ການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມ. ກອງປະຊຸມ ໄດ້ເຫັນດີມອບໃຫ້ເຈົ້າໜ້າທີ່ກ່ຽວຂ້ອງຂອງສອງຝ່າຍ ເພື່ອເລີ່ມຂະບວນການຮ່າງແຜນປະຕິບັດງານ ອາຊຽນ-ສ.ເກົາຫຼີ ສະບັບໃໝ່ ໃຫ້ໄດ້ຮັບຮອງໃນກອງປະຊຸມລັດຖະມົນຕີຕ່າງປະເທດ ອາຊຽນ-ສ.ເກົາຫຼີ ໃນປີ 2020. ກອງປະຊຸມ ໄດ້ເຫັນດີ ເພີ່ມທະວີການຮ່ວມມືໃນຂົງເຂດ ການຕ້ານການກໍ່ການຮ້າຍ ແລະ ອາຊະຍາກຳຂ້າມຊາດ, ການຮ່ວມມືທາງທະເລ ໂດຍສະເພາະການຄຸ້ມຄອງການຫາປາ ແລະ ການປົກປັກຮັກສາຊັບພະຍາກອນທາງທະເລ, ການພັດທະນາ MSMEs, ຄວາມໝັ້ນຄົງດ້ານສະບຽງອາຫານ ແລະ ພະລັງງານ, ການເຊື່ອມຈອດ, ເຕັກໂນໂລຊີ ແລະ ນະວັດຕະກຳ, ການສຶກສາ, ການຮັບມືກັບສະພາບການປ່ຽນແປງຂອງດິນຟ້າອາກາດ ແລະ ໄພພິບັດທຳມະຊາດ, ການໄປມາຫາສູ່ລະຫວ່າງປະຊາຊົນ ກັບ ປະຊາຊົນ, ການຮັດແຄບຄວາມແຕກໂຕນດ້ານການພັດທະນາ, ແລະ ອື່ນໆ.

ກອງປະຊຸມ ໄດ້ສະແດງຄວາມຍິນດີຕໍ່ ໂອກາດຄົບຮອບ 30 ປີ ແຫ່ງການພົວພັນ ອາຊຽນ-ສ.ເກົາຫຼີ ໃນປີ 2019 ແລະ ໄດ້ປຶກສາຫາລືການ​ກະ​ກຽມໃຫ້ແກ່ ກອງປະຊຸມສຸດຍອດ ອາຊຽນ-ສ.ເກົາຫລີ ເພື່ອສະເຫລີມສະຫລອງການພົວພັນພັນຮ່ວມມື ອາຊຽນ-ສ.ເກົາຫລີ ຄົບຮອບ 30 ປີ, ຊຶ່ງຈະຈັດຂຶ້ນໃນເດືອນພະຈິກ 201ທີ່ ປູຊານ, ສ.ເກົາຫລີ ລວມທັງບັນດາກິດຈະກຳສະເຫຼີມສະຫຼອງ ແລະ ເອກະສານຜົນກອງປະຊຸມໃນໂອກາດສຳຄັນດັ່ງກ່າວ ແລະ ກອງປະຊຸມສຸດຍອດຄັ້ງປະຖົມມະລຶກ ແມ່ຂອງ-ສ.ເກົາຫຼີ ຊຶ່ງຈະຈັດຂື້ນຕິດຕໍ່ກັນ ກັບ ກອງປະຊຸມສຸດຍອດ ອາຊຽນ-ສ.ເກົາຫຼີ ດັ່ງກ່າວ.

ໃນໂອກາດນີ້, ກອງປະຊຸມຍັງ​​ໄດ້ແລກປ່ຽນຄຳຄິດ​​ເຫັນກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈຮ່ວມກັນເຊັ່ນ​: ​ໂຄງສ້າງພາກພື້ນ ແລະ ສະພາບການຢູ່ແຫຼມເກົາຫລີ ແລະ ບັນ​ຫາ​ອື່ນໆ. ກອງ​ປະ​ຊຸ​ມ​ ຍັງ​ໄດ້ປຶກສາຫາລືການກະກຽມໃຫ້ແກ່ກອງປະຊຸມລັດຖະມົນຕີຕ່າງປະເທດ​ ອາຊຽນ-.ເກົາຫຼີ ຊຶ່ງຈະຈັດຂຶ້ນໃນເດືອນສິງຫາ 2019 ທີ່ ບາງກອກ, ປະເທດໄທ.

 

 

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
182880
ມື້ນີ້21
ມື້ວານ95
ອາທິດນີ້278
ເດືອນນີ້1662
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710