ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ພິທີປິດຊຸດບຳລຸງພາສາອັງກິດ ຊຸດທີ 41 ໃຫ້ແກ່ພະນັກງານກະຊວງການຕ່າງປະເທດ, ຄຕພ, ບັນດາກະຊວງອ້ອມຂ້າງສູນກາງ ແລະ ທ້ອງຖິ່ນ

2019621-close-e41

     ໃນວັນທີ 21 ມິຖຸນາ 2019, ສະຖາບັນການຕ່າງປະເທດ ກະຊວງການຕ່າງປະເທດ ໄດ້ຈັດພິທີປິດຊຸດບຳລຸງພາສາອັງກິດ ຊຸດທີ 41 ໃຫ້ແກ່ພະນັກງານກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ, ບັນດາກະຊວງອ້ອມຂ້າງສູນກາງ ແລະ ທ້ອງຖິ່ນ, ຈຳນວນ 75ທ່ານ (ຍິງ 29 ທ່ານ), ເຊິ່ງໄດ້ດໍາເນີນມາເປັນເວລາ 6 ເດືອນ (ເລີ່ມແຕ່ວັນທີ 21 ມັງກອນ - 21 ມິຖຸນາ 2019), ໂດຍການເປັນປະທານຂອງ ທ່ານ ແສງເພັດ ຮຸ່ງບຸນຍວງ,ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງການຕ່າງປະເທດ, ມີຜູ້ເຂົ້າຮ່ວມຈາກ ຄະນະຈັດຕັ້ງສູນກາງພັກ, ທ່ານ ເອກອັກຄະລັດຖະທູດສິງກະໂປ ປະຈຳ ສປປ ລາວ, ຜູ້ຕາງໜ້າຈາກກົມຕ່າງໆຂອງກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ນັກຝຶກອົບຮົມທັງໝົດ 90 ທ່ານ.

       ໃນພິທີດັ່ງກ່າວ, ທ່ານ ຄຳສວຍ ແກ້ວດາລາວົງ, ຫົວໜ້າສະຖາບັນການຕ່າງປະເທດ ໄດ້ຂຶ້ນຜ່ານບົດສະຫຼຸບລາຍງານຜົນສຳເລັດຂອງຊຸດຝຶກອົບຮົມ, ເຊິ່ງໄດ້ຕີລາຄາວ່າ ຊຸດຝຶກອົບຮົມດັ່ງກ່າວແມ່ນໄດ້ບັນລຸຜົນຕາມຄາດໝາຍທີ່ວາງໄວ້ ແລະ ຜູ້ເຂົ້າຮ່ວມບຳລຸງພາສາອັງກິດໃນຊຸດນີ້ ສາມາດຍົກລະດັບພາສາອັງກິດໄດ້ໃນລະດັບທີ່ດີພໍສົມຄວນເປັນຕົ້ນການສົນທະນາ, ການນຳສະເໜີບົດ, ການຂີດຂຽນ ແລະ ການຟັງ ເພື່ອນໍາໄປໝູນໃຊ້ເຂົ້າໃນການປະຕິບັດວຽກງານວິຊາສະເພາະຢູ່ກົມກອງຂອງຕົນ. ພ້ອມດຽວກັນນັ້ນ, ກໍ່ໄດ້ມອບໃບຢັ້ງຢືນໃຫ້ຜູ້ເຂົ້າຮ່ວມຝຶກອົບຮົມຈໍານວນ 75 ທ່ານ ແລະ ມອບໃບຍ້ອງຍໍໃຫ້ຜູ້ເຂົ້າຮ່ວມຝຶກອົບຮົມທີ່ດີເດັ່ນປະຈໍາຊຸດຮຽນຈໍານວນ 06 ທ່ານ (ຍິງ 03 ທ່ານ).

   ທ່ານ ແສງເພັດ ຮຸ່ງບຸນຍວງ, ປະທານພິທີໄດ້ໃຫ້ກຽດໂອ້ລົມຕໍ່ພະນັກງານທີ່ສໍາເລັດການບໍາລຸງພາສາອັງກິດຄັ້ງນີ້, ໂດຍທ່ານໄດ້ເນັ້ນເຖິງຄວາມສຳຄັນ ແລະ ຈຳເປັນຕໍ່ກັບການຍົກລະດັບພາສາຕ່າງປະເທດ ແລະ ວິຊາສະເພາະ ເພື່ອເປັນເຄື່ອງມືໃນການພົວພັນຮ່ວມມືກັບສາກົນໃນໄລຍະໃໝ່, ໂດຍເລັ່ງໃສ່ປະຕິບັດແຜນບຸກທະລຸ 4 ດ້ານທີ່ກອງປະຊຸມໃຫ່ຍຂອງພັກ ຄັ້ງທີ X ວາງອອກ. ສະນັ້ນ, ການຍົກລະດັບພາສາອັງກິດ ຈຶ່ງເປັນວຽກງານໜຶ່ງທີ່ຈຳເປັນຕ້ອງໄດ້ເອົາໃຈໃສ່ຢ່າງຈິງຈັງ ແລະ ເພື່ອສ້າງພື້ນຖານຄວາມຮູ້ດ້ານພາສາຕ່າງປະເທດໃຫ້ແກ່ພະນັກງານລັດ ໃຫ້ມີຄວາມຮູ້-ຄວາມສາມາດສູງຂຶ້ນກວ່າເກົ່າ, ເຊິ່ງນອກຈາກການນຳໃຊ້ເຂົ້າໃນວຽກງານປະຈໍາວັນແລ້ວ, ຍັງສາມາດນຳໄປໝູນໃຊ້ໄດ້ໃນເວທີສາກົນເຊັ່ນ: ການເຂົ້າຮ່ວມກອງປະຊຸມສາກົນທັງພາຍໃນ ແລະ ຕ່າງປະເທດ, ກອງປະຊຸມສຳມະນາຖອດຖອນບົດຮຽນໃນຫົວຂໍ້ຕ່າງໆ ລວມທັງການຂຽນບົດ ຫຼື ເອກະສານທາງການຕ່າງໆ.

          ຊຸດບຳລຸງພາສາອັງກິດ ຊຸດທີ 41 ໄດ້ດຳເນີນໄປຕາມແຜນການທີ່ ສະຖາບັນການຕ່າງປະເທດ ວາງອອກ. ນອກຈາກນັ້ນ, ຍັງໄດ້ສ້າງກິດຈະກຳການເຄື່ອນໄຫວນອກຫຼັກສູດ ເປັນຕົ້ນໄດ້ນໍາພາຜູ້ເຂົ້າຮວ່ມຝຶກອົບຮົມໄປທັດສະນະສຶກສາສູນຢ້ຽມຢາມຂໍ້ມູນ-ຂ່າວສານຄົນພິການ (COPE), ຢ້ຽມຊົມສູນພັດທະນາແມ່ຍິງພິການລາວ ແລະ ບໍລິສັດດາວທຽມລາວ-ອາຊີປາຊີຟິກຈໍາກັດ, ຢ້ຽມຢາມເຂື່ອນໄຟຟ້ານ້ຳງື່ມ 1ແລະ ຈັດການແຂ່ງຂັນກິລາຕ່າງໆ ເພື່ອເປັນການຮັດແໜ້ນຄວາມສາມັກຄີ ລະຫວ່າງ ສະຖາບັນການຕ່າງປະເທດ ແລະ ຜູ້ເຂົ້າຮ່ວມຝຶກອົບຮົມທີ່ມາຈາກພາກສ່ວນອື່ນໆໃຫ້ມີບັນຍາກາດຟົດຟື້ນ ແລະ ແໜ້ນແຟ້ນກວ່າເກົ່າ.

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
182879
ມື້ນີ້20
ມື້ວານ95
ອາທິດນີ້277
ເດືອນນີ້1661
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710