ໃນຕອນບ່າຍຂອງ ວັນທີ 23 ກໍລະກົດ 2016, ທ່ານ ສະເຫລີມໄຊ ກົມມະສິດ, ລັດຖະມົນຕີຕ່າງປະເທດ ແຫ່ງ ສປປ ລາວ, ໄດ້ເປັນປະທານກອງປະຊຸມ ລະຫວ່າງ ລັດຖະມົນຕີຕ່າງປະເທດອາຊຽນ ກັບ ບັນດາຜູ້ຕາງຫນ້າຂອງຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍສິດທິມະນຸດ.

ໃນຕອນບ່າຍ ວັນທີ 23 ກໍລະກົດ 2016, ທີ່ ຫໍປະຊຸມແຫ່ງຊາດ​, ນະຄອນຫລວງວຽງຈັນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ໄດ້ເປັນປະທານກອງປະຊຸມຄະນະກຳມາທິການ ເຂດປອດອາວຸດນິວເຄລຍ ອາຊີຕາເວັນອອກສ່ຽງໃຕ້ ໂດຍການເຂົ້າຮ່ວມຂອງບັນດາລັດຖະມົນຕີຕ່າງປະເທດອາຊຽນ ແລະ ເລຂາທິການໃຫຍ່ອາຊຽນ ພ້ອມດ້ວຍຄະນະຜູ້ແທນ.

ປັດຈຸບັນ ການ​ກະກຽມ​ສຳລັບ​ການ​ເປັນ ​ປະທານ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນ ​ແລະ ກອງ​ປະ​ຊຸມ​ທີ່​ກ່ຽວ​ຂ້ອງ​ອື່ນໆ ​ຂອງ​ ສປປ ລາວ ແມ່ນ​ມີຄວາມ​ຄືບ​ໜ້າ​ດີທັງ​ດ້ານ​ເນື້ອ​ໃນ, ພາລາ​ທິການ ​ແລະ ບຸກຄະລາ​ກອນ ​ໂດຍ​ໄດ້​ຮັບ​ການ​ຮ່ວມ​ມື, ຊ່ວຍ​ເຫລືອ​ເປັນ​ຢ່າງ​ດີ ຈາກ​ພາຍ​ໃນ ​ແລະ ຕ່າງປະ​ເທດ ກໍ​ຄື ​ໄດ້​ສ້າງຕັ້ງຄະນະ​ກຳມະການ​ຮັບ​ຜິດຊອບ​ຊີ້​ນຳ​ລວມ ​ໂດຍ​ແມ່ນ ທ່ານ ລັດຖະມົນຕີ​ກະຊວງ​ການ​ຕ່າງປະ​ເທດ ​ແລະ ​ໄດ້​ແຕ່ງຕັ້ງ 13 ຄະນະ​ອະນຸກຳມະ​ການຮັບຜິດຊອບແຕ່ລະ​ໜ້າ​ວຽກ ແຕກຕ່າງ​ກັນ.