ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຂ້າຫຼວງໃຫຍ່ ສປຊ ເພື່ອສິດທິມະນຸດ ຢ້ຽມຢາມ ສປປ ລາວ

 

 

UNHCR4

 

ໃນວັນທີ 7 ມິຖຸນາ 2024, ທ່ານ ວອນເກີ ເຕີກ (Volker Türk), ຂ້າຫຼວງໃຫຍ່ອົງການສະຫະປະຊາຊາດ (ສປຊ) ເພື່ອສິດທິມະນຸດ (UN High Commissioner for Human Rights) ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ສປປ ລາວ ເຊິ່ງເປັນການຢ້ຽມຢາມ ສປປ ລາວ ຄັ້ງທໍາອິດ ຂອງເຈົ້າຫນ້າທີ່ຂັ້ນສູງດ້ານສິດທິມະນຸດຂອງອົງການ ສປຊ. ການຢ້ຽມຢາມລາວຂອງຂ້າຫລວງໃຫຍ່ ສປຊ ເພື່ອສິດທິມະນຸດນີ້ແມ່ນມີຂຶ້ນໃນຂະນະທີ່ ສປປ ລາວ ເປັນປະທານອາຊຽນ 2024 ແລະ ເປັນປະທານຄະນະກໍາມາທິການລະຫ່ວາງລັດຖະບານອາຊຽນ ວ່າດ້ວຍ ສິດທິມະນຸດ (ASEAN Intergovernmental Commission on Human Rights ‘‘AICHR’’). ໃນລະຫວ່າງການຢ້ຽມຢາມລາວ, ຂ້າຫຼວງໃຫຍ່ ສປຊ ເພື່ອສິດທິມະນຸດ ໄດ້ເຂົ້າຢ້ຽມຂໍ່ານັບ ທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ, ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ, ທ່ານ ນ. ສູນທອນ ໄຊຍະຈັກ, ຮອງປະທານສະພາແຫ່ງຊາດ.

 

 

UNHCR1

 

ໃນໂອກາດພົບປະໂອ້ລົມກັບການນໍາຂັ້ນສູງຂອງ ສປປ ລາວ, ຂ້າຫຼວງໃຫຍ່ ສປຊ ເພື່ອສິດທິມະນຸດ ໄດ້ຕີລາຄາສູງຕໍ່ການຮ່ວມມືທີ່ດີລະຫວ່າງລັດຖະບານລາວ ແລະ ຫ້ອງການຂ້າຫລວງໃຫຍ່ ສປຊ ເພື່ອສິດທິມະນຸດ ໃນໄລຍະຜ່ານມາ ແລະ ສະແດງຄວາມຊົມເຊີຍຕໍ່ຄວາມພະຍາຍາມ ແລະ ຜົນສໍາເລັດເປັນກ້າວໆມາຂອງວຽກງານການສົ່ງເສີມ ແລະ ປົກປ້ອງສິດທິມະນຸດຢູ່ ສປປ ລາວ ໂດຍສະເພາະການຈັດຕັ້ງປະຕິບັດພັນທະ ແລະ ຄໍາຫມັ້ນສັນຍາສາກົນພາຍໃຕ້ສົນທິສັນຍາດ້ານສິດທິມະນຸດທີ່ ສປປ ລາວ ເປັນພາຄີ ກໍຄື ພາຍໃຕ້ກົນໄກທົບທວນປະຈໍາໄລຍະ (UPR) ລວມທັງການສ້າງ ແລະ ປ້ອງກັນບົດລາຍງານແຫ່ງຊາດຂອງ ສປປ ລາວ, ແລະ ຊົມເຊີຍຕໍ່ບົດບາດຂອງ ສປປ ລາວ ໃນການເປັນປະທານອາຊຽນ 2024 ພາຍໃຕ້ຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”. ນອກນັ້ນ, ກໍໄດ້ແລກປ່ຽນຄໍາຄິດເຫັນ ກ່ຽວກັບ ການສົ່ງເສີມບົດບາດຍິງ-ຊາຍ, ການປະຕິບັດກົດໝາຍທີ່ກ່ຽວຂ້ອງກັບສິດທິມະນຸດ ແລະ ສິດທິທາງດ້ານເສດຖະກິດ, ສັງຄົມ ແລະ ວັດທະນະທໍາ.

 

UNHCR5

 

ພ້ອມດຽວກັນນັ້ນ, ການນໍາຂັ້ນສູງຂອງ ສປປ ລາວ ໄດ້ຍົກໃຫ້ເຫັນຜົນສໍາເລັດເປັນກ້າວໆມາໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX, ການສຸມໃສ່ຈັດຕັ້ງປະຕິບັດ 2 ວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ, ການຈັດຕັ້ງປະຕິບັດເປົ້າຫມາຍການພັດທະນາແບບຍືນຍົງລວມທັງເປົ້າຫມາຍສະເພາະສໍາລັບ ສປປ ລາວ ກ່ຽວກັບ ການແກ້ໄຂຜົນກະທົບຂອງລະເບີດບໍ່ທັນແຕກເຊິ່ງເປັນສິ່ງກີດຂວາງອັນສໍາຄັນຕໍ່ການພັດທະນາເສດຖະກິດ-ສັງຄົມ, ຕໍ່ການລຶບລ້າງຄວາມທຸກຍາກ, ກໍຄື ຕໍ່ການຊົມໃຊ້ສິດທິມະນຸດຂອງປະຊາຊົນລາວບັນດາເຜົ່າ. ສປປ ລາວ ຍາມໃດກໍມີຄວາມພະຍາມຍາມໃນການຈັດຕັ້ງຜັນຂະຫຍາຍພັນທະສາກົນພາຍໃຕ້ສົນທິສັນຍາສາກົນດ້ານສິດທິມະນຸດທີ່ ສປປ ລາວ ເຂົ້າເປັນພາຄີ ເຂົ້າໃນລະບົບກົດໝາຍຂອງ ສປປ ລາວ ດ້ວຍການບັນຍັດ ສິດທິພື້ນຖານ ແລະ ພັນທະຂອງປະຊາຊົນລາວໄວ້ໃນລັດຖະທໍາມະນູນ, ກົດຫມາຍ ແລະ ນິຕິກໍາຫລາຍໆສະບັບ, ແລະ ເອົາໃຈໃສ່ໃນການສ້າງຄວາມຮັບຮູ້ ແລະ ຄວາມເຂົ້າໃຈຢ່າງຖືກຕ້ອງກ່ຽວກັບ ສິດທິມະນຸດ ໃຫ້ພະນັກງານ ແລະ ເຈົ້າຫນ້າທີ່ຂັ້ນສູນກາງ, ຂັ້ນທ້ອງຖິ່ນ ກໍ່ຄືອົງການຈັດຕັ້ງມະຫາຊົນ, ອົງການຈັດຕັ້ງທາງສັງຄົມ ແລະ ປະຊາຊົນ. ໃນຖານະເປັນປະທານອາຊຽນປີ 2024 ທັງເປັນປະທານຄະນະກໍາມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ ສປປ ລາວ ໄດ້ຕັ້ງຫນ້າປະກອບສ່ວນເຂົ້າໃນສົ່ງເສີມການຮ່ວມມືວຽກງານສິດທິມະນຸດໃນອາຊຽນບົນພື້ນຖານຈຸດພິເສດ ແລະ ຄວາມເປັນຈິງຂອງອາຊຽນ ແລະ ຂອງແຕ່ລະປະເທດສະມາຊິກອາຊຽນ ແລະ ໄດ້ແຕ່ງຕັ້ງຜູ້ຕາງຫນ້າພິເສດຂອງປະທານອາຊຽນ ກ່ຽວກັບ ມຽນມາ ເພື່ອອໍານວຍຄວາມສະດວກ ແລະ ຊ່ວຍມຽນມາໃນການປະຕິບັດ 5 ຂໍ້ຕົກລົງຂອງຜູ້ນໍາອາຊຽນ (5  Points Consensus) ເພື່ອຊອກຫາວິທີທາງແກ້ໄຂແບບກວມລວມ, ສັນຕິວິທີ ແລະ ຍືນຍົງຕໍ່ສະຖານະການພາຍໃນມຽນມາບົນພື້ນຖານມຽນມາເປັນເຈົ້າການ ແລະ ນໍາພາ.

 

UNHCR2UNHCR6

 

ໃນໂອກາດມາຢ້ຽມຢາມ ສປປ ລາວ ໃນຄັ້ງນີ້, ຂ້າຫຼວງໃຫຍ່ ສປຊ ເພື່ອສິດທິມະນຸດ ຍັງໄດ້ພົບປະກັບ ທ່ານ ອາລຸນແກ້ວ ກິດຕິຄຸນ, ຜູ້ຕາງໜ້າພິເສດປະທານອາຊຽນຂອງ ສປປ ລາວ ສໍາລັບມຽນມາ, ພົບປະສົນທະນາກັບ ທ່ານ ທູດຢົ້ງ ຈັນທະລັງສີ, ຜູ້ຕາງໜ້າ ສປປ ລາວ ປະຈໍາ ຄະນະກໍາມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ (AICHR), ພົບປະກັບກົມສົນທິສັນຍາ ແລະ ກົດຫມາຍ ກະຊວງການຕ່າງປະເທດ ຊຶ່ງເປັນທັງກອງເລຂາຄະນະກໍາມະການແຫ່ງຊາດ ວ່າດ້ວຍ ສິດທິມະນຸດ (Lao National Committee on Human Rights), ແລະ ເຂົ້າຮ່ວມກອງປະຊຸມສໍາມະນາ ຫົວຂໍ້ ສິດທິມະນຸດ ແລະ ສິ່ງແວດລ້ອມ ໂດຍເນັ້ນເຖິງສິດທິໃນການມີສິ່ງແວດລ້ອມທີ່ສະອາດ, ປອດໄພ ແລະ ຍືນຍົງ (Right to a clean, healthy and sustainable environment) ຈັດຂຶ້ນທີ່ ຄະນະນິຕິສາດ ແລະ ລັດຖະສາດມະຫາວິທະຍາໄລແຫ່ງຊາດ ໂດຍມີຄູອາຈານ, ນັກສຶກສາ, ຜູ້ຕາງໜ້າຈາກອົງການຈັດຕັ້ງມະຫາຊົນ, ອົງການຈັດຕັ້ງທາງສັງຄົມເຂົ້າຮ່ວມ.

 

UNHCR3

 

ບົດຂ່າວອື່ນໆ

ແຈ້ງການ

 

* ປະ​ທານ​ປະ​ເທດ ແຫ່ງ ສສ ຫວຽດນາມ ຈະເດີນທາງມາຢ້ຽມລັດຖະກິດ ທີ່ ສປປ ລາວ ແຕ່​ວັນ​ທີ 11-12 ກໍລະກົດ 2024 (08 ກໍລະກົດ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (22 ກຸມພາ 2024)

  

*ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
505412
ມື້ນີ້245
ມື້ວານ262
ອາທິດນີ້158
ເດືອນນີ້3802