ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລັດຖະບານ ແຫ່ງ ສປປ ລາວ ປະດັບຫຼຽນກາມິດຕະພາບໃຫ້ແກ່ທ່ານທູດສິງກະໂປ ປະຈຳລາວ

 

FMawardedSingaporeAmb1 FMawardedSingaporeAmb2

 

ໃນວັນທີ 08 ກໍລະກົດ 2019, ທີ່ ກະຊວງການຕ່າງປະເທດ,  ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ ໂດມິນິກ ໂກ (Dominic goh), ເອກອັກຄະລັດຖະທູດ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ໃນໂອກາດທີ່ຈະສຳລັດການປະຕິບັດໜ້າທີ່ການທູດຢູ່ ສປປ ລາວ.

ໃນໂອກາດນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບທ່ານເອກອັກຄະລັດຖະທູດ ແລະຊົມເຊີຍ ທີ່ໄດ້ສຳເລັດໃນການປະຕິບັດໜ້າທີ່ການທູດຢູ່ ສປປ ລາວ ແລະສະແດງຄວາມຂອບໃຈຢ່າງຈິງໃຈຕໍ່ການສະໜັບສະໜູນ ແລະ ການຊ່ວຍເຫຼືອຂອງສິງກະໂປທີ່ມີຕໍ່ ສປປ ລາວ ໃນໄລຍະຜ່ານມາໃນຫຼາຍດ້ານເຊັ່ນ: ດ້ານການເມືອງ, ເສດຖະກິດ ແລະ ວັດທະນະທຳ-ສັງຄົມ ເປັນຕົ້ນ: ໄດ້ປະກອບສ່ວນຊຸກຍູ້ການພົວພັນ ແລະ ປະກອບສ່ວນອັນສຳຄັນໃຫ້ແກ່ການແລກປ່ຽນການຢ້ຽມຢາມຂອງການນຳຂັ້ນສູງລະຫວ່າງສອງປະເທດ; ດ້ານການຄ້າ ແລະ ການລົງທຶນ, ທ່ານໄດ້ຊຸກຍູ້ໃຫ້ນັກລົງທຶນ ສິງກະໂປ ມາລົງທຶນ ຢູ່ ສປປ ລາວ ມາເຖິງປະຈຸບັນ ລວມມີມູນຄ່າການລົງທຶນຂອງ ສິງກະໂປ ຢູ່ ລາວປະມານ 187 ລ້ານໂດລາສະຫະລັດ, ກວມເອົາໃນ 79 ໂຄງການ ແລະ ຖືກຈັດຢູ່ໃນອັນດັບທີ 11 ຂອງ ສປປ ລາວແລະ ຍັງໄດ້ຊຸກຍູ້ການເປີດສາຍການບິນ Silk Air ຢູ່ ສປປ ລາວ ໃນເດືອນ ເມສາ 2016 ທີ່ຜ່ານມາ; ດ້ານການແລກປ່ຽນທາງດ້ານວັດທະນະທຳ ໄດ້ປະກອບສ່ວນຈັດພິທີເປີດໂຕປື້ມ “From Third World to First” ແລະ ໄດ້ຂົນຂວາຍທຶນຮອນ ໃຫ້ນັກສະແດງກອງລະຄອນຄົນພິການ ແລະນັກສະແດງເຕັ້ນບາເລ້ຂອງລາວ, ຈຳນວນ 14 ຄົນ ໄປຖອດຖອນບົດຮຽນ ທີ່ ປະເທດສິງກະໂປ; ດ້ານການສຶກສາ ໄດ້ຂົນຂວາຍຍາດແຍ່ງທຶນຝຶກອົບຮົມພາສາອັງກິດ ໃຫ້ແກ່ການນຳລາວຈຳນວນ 35 ທ່ານ, ຊ່ວຍຂົນຂວາຍທຶນຝຶກອົບຮົມແກ່ພະນັກງານລາວ ໃນສາຂາຕ່າງໆ ຢູ່ສິງກະໂປ ຫຼາຍກ່ວາ 100 ທຶນ ແລະ ຍັງໄດ້ຊ່ວຍຝຶກອົບຮົມຢູ່ ສູນຮ່ວມມືລາວ-ສິງກະໂປ ໃຫ້ແກ່ພະນັກງານລາວອີກຫຼາຍ ກ່ວາ 90 ຫຼັກສູດ ແລະ ມີພະນັກງານລາວຫຼາຍກວ່າ 2000 ຄົນເຂົ້າຮ່ວມ. ພິເສດ, ທ່ານທູດຍັງໄດ້ຂົນຂວາຍອາສາສະໝັກນັກຮຽນຈາກມະຫາວິທະຍາໄລທີ່ສຳຄັນຂອງສິງກະໂປ ມາຊ່ວຍເຫຼືອແກ່ໂຮງຮຽນຕ່າງໆ ຂອງ ສປປ ລາວ ມີຈຳນວນຫຼາຍກ່ວາ 1800 ຄົນ. ນອກຈາກນັ້ນ, ທ່ານທູດຍັງໄດ້ປະກອບສ່ວນຊຸກຍູ້ໃຫ້ລັດຖະບານສິງກະໂປຊ່ວຍເຫຼືອລາວ ໃນຊ່ວງທີ່ເປັນປະທານອາຊຽນ ເຊິ່ງມີມູນຄ່າຫຼາຍກ່ວາ 200,000 ໂດລາສະຫະລັດ ແລະ ໃນຊ່ວງເວລາເກີດອຸປະຕິເຫດສັນກັນນໍ້າເຂື່ອນໄຟຟ້າ ເຊປຽນ-ເຊນໍ້ານ້ອຍ ແຕກ ທີ່ ເມືອງສະໜາມໄຊ, ແຂວງອັດຕະປື, ລັດຖະບານສິງກະໂປ ກໍໄດ້ໃຫ້ການຊ່ວຍເຫຼືອແກ່ ສປປ ລາວ ເຊິ່ງຈັດເປັນປະເທດອັນດັບຕົ້ນໆ.

ໃນໂອກາດດຽວກັນນີ້, ທ່ານ ສະເຫຼີມໄຊ ກົມມະສິດ ຍັງໄດ້ຕາງໜ້າລັດຖະບານ ແລະ ປະຊາຊົນລາວ ປະດັບຫຼຽນກາມິດຕະພາບໃຫ້ແກ່ທ່ານທູດສິງກະໂປ ເພື່ອສະແດງຄວາມຍ້ອງຍໍຊົມເຊີຍ ຜົນສຳເລັດອັນໃຫຍ່ຫຼວງຕໍ່ຜົນງານຂອງທ່ານເອກອັກຄະລັດຖະທູດ ໃນໄລຍະການປະຕິບັດໜ້າທີ່ທາງການທູດຢູ່ ສປປ ລາວ ເປັນເວລາ 4 ປີກວ່າ.

ໃນໂອກາດດຽວກັນ, ທ່ານ ທູດສິງກະໂປ ກໍໄດ້ສະແດງຄວາມຂອບໃຈເປັນຢ່າງຍິ່ງຕໍ່ລັດຖະບານ ສປປ ລາວທີ່ໄດ້ອຳນວຍຄວາມສະດວກໃຫ້ແກ່ການເຄື່ອນໄຫວປະຕິບັດວຽກງານການທູດຂອງຕົນ ຢູ່ ສປປ ລາວ, ພິເສດແມ່ນຄວາມຮູ້ບຸນຄຸນຢ່າງສູງຕໍ່ການມອບຫຼຽນກາມິດຕະພາບອັນສົມກຽດໃຫ້ແກ່ທ່ານ ແລະ ຢືນຢັນຈະສືບຕໍ່ປະກອບສ່ວນເຂົ້າໃນການຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດສິງກະໂປ-ລາວ ທີ່ມີມາແຕ່ດົນນານນັ້ນໃຫ້ຈະເລີນງອກງາມຍິ່ງໆຂຶ້ນ.

ບົດຂ່າວອື່ນໆ

a
ແຈ້ງການ

* ແຈ້ງການ ແລະ ຊີວະປະຫວັດຂອງ ປະທານາທິບໍດີ ແຫ່ງ ສ.ຮົງກາຣີ ຈະເດີນທາງຢ້ຽມຢາມລັດຖະກິດ ຢູ່ ສປປ ລາວ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
193793
ມື້ນີ້76
ມື້ວານ97
ອາທິດນີ້242
ເດືອນນີ້2203
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710