ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ສຳເລັດການຢ້ຽມຢາມທາງການ ທີ່ ຣາຊະອານາຈັກ ນອກແວ

 

FMvisitNorway1

 

 

FMvisitNorway2

 

FMvisitNorway3

 

ໂດຍຕອບສະໜອງຕາມຄຳເຊື້ອເຊີນຂອງ​ ​ທ່ານ ນາງອີ່ງອີລິກເຊັນ ຊໍເລນ (Ine Eriksen Soreide), ລັດຖະມົນຕີຕ່າງປະເທດແຫ່ງ ຣາຊະອານາຈັກນອກແວ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ລາວ ພ້ອມ​ດ້ວຍ​ຄະ​ນະ ໄດ້ຢ້ຽມຢາມທາງການ ຣາ​ຊະ​ອາ​ນາ​ຈັກ ນອກ​ແວ, ໃນລະຫວ່າງ​ວັນ​ທີ 27-29 ມິ​ຖຸ​ນາ 2019, ເຊິ່ງ​ການຢ້ຽມຢາມໃນຄັ້ງນີ້ໄດ້ເປັນ​ນິ​ມິດ​ໝາຍ​ອັນ​ສຳ​ຄັນ​ໃນ​ການ​ເສີມ​ຂະ​ຫຍາຍ​ສາຍ​ພົວ​ພັນ​ມິດ​ຕະ​ພາບອັນເປັນມູນເຊື້ອ ແລະ ການ​ຮ່ວມ​ມື​ອັນ​ດີ​ງາມ ລະ​ຫວ່າງ ສ​ປ​ປ ລາວ ແລະ ຣາຊະອານາຈັກ ນອກ​ແວ ໃຫ້ສືບຕໍ່ເຂັ້ມ​ແຂງ ແລະ ແຕກດອກ​ອອກ​ຜົນ​ຍິ່ງໆ​ຂຶ້ນ.

ໃນວັນທີ 28 ມິ​ຖຸ​ນາ 2019, ທ່ານ ສະເຫຼີມໄຊ ກົມມະສິດ ໄດ້ພົບປະສອງຝ່າຍກັບ ທ່ານ ນາງ ອີ່ງອີລິກເຊັນ   ຊໍເລນ, ລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກ ນອກແວ ພາຍໃຕ້ບັນຍາກາດອັນສ້າງສັນ ແລະ ກົງໄປກົງມາ, ຊຶ່ງໃນການພົບປະຄັ້ງນີ້ ທ່ານລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕາງໜ້າໃຫ້ລັດຖະບານ ສະແດງຄວາມຂອບໃຈແລະ ຕີລາຄາສູງຕໍ່ການຊ່ວຍເຫຼືຂອງລັດຖະບານ ແລະ ປະຊາຊົນ ນອກແວ ໃຫ້ແກ່ ສປປ ລາວ ໃນໄລຍະຜ່ານມາ ເປັນຕົ້ນໃນໂຄງການໄຟຟ້ານ້ຳຕົກ, ຂະແໜງກົດໝາຍ, ການສຶກສາ, ສາທາລະນະສຸກ ຂັ້ນພື້ນຖານ, ການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ, ການພັດທະນາຊັບພະຍາກອນມະນຸດ, ສ້າງຄວາມສາມາດໃຫ້ແກ່ໂຄງການນໍ້າປະປາ ແລະ ການສະໜັບສະໜູນພາກລັດ, ໂດຍສະເພາະແມ່ນການໃຫ້ຄວາມຊ່ວຍເຫຼືອໃນການເກັບກູ້ລະເບີດບໍ່ທັນແຕກຢູ່ ສລາວ ນັບແຕ່ປີ 1996-2018 ລວມມູນຄ່າ ຫຼາຍກວ່າ 30 ​ລ້ານໂດ ລາສະຫະລັດ, ຊຶ່ງມາໃນໄລຍະປີ 2018-2020 ມີມູນຄ່າ 400.000 ໂດລາສະຫະລັດຕໍ່ປີ, ໂດຍໄດ້ສຸມໃສ່ໂຄງການເກັບກູ້ລະເບີດບໍ່ທັນແຕກຢູ່ແຂວງຫຼວງພະບາງ ແລະ ຊຽງຂວາງ ລວມທັງການຮ່ວມມືກັນໃນຂອບຂອງສົນທິສັນຍາລະເບີດລູກຫວ່ານ. ນອກນັ້ນ, ນອກແວ ຍັງຈະສືບຕໍ່ໃຫ້ການຊ່ວຍແກ່ໂຄງການເກັບກູ້ລະເບີດບໍ່ທັນແຕກຢູ່ ສປປ ລາວ ລວມທັງການເປັນຄູ່ຮ່ວມມືໃນຂະແໜງການ ອາຊຽນ (ASEANSectoral Dialogue Partner), ຊຶ່ງໄດ້ມີການເຄື່ອນໄຫວຢ່າງຕັ້ງໜ້າເພື່ອເປົ້າໝາຍການພັດທະນາແບບຍືນຍົງ, ການພັດທະນາພະລັງງານສະອາດ, ການຄ້າ, ການປ່ຽນແປງດິນຟ້າອາກາດ ແລະ ການປົກປ້ອງສິ່ງແວດລ້ອມ. ໃນຕອນທ້າຍຂອງການພົບປະ, ທັງສອງຝ່າຍຍັງໄດ້ແລກປ່ຽນຄໍາຄິດຄໍາເຫັນຕໍ່ສະພາບການ​ພົ້ນ​ເດັ່ນໃນພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈ.

ຫຼັງຈາກນັ້ນ, ທ່ານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຍັງໄດ້ພົບປະກັບ ທ່ານ ດັກອິນ ອຸນສະເຕນ (Dag-Inge Ulstein), ລັດຖະມົນຕີພັດທະນາສາກົນຂອງ ນອກເເວ, ຊຶ່ງສອງຝ່າຍໄດ້ທົບທວນ ແລະ ຕີລາຄາການຊ່ວຍເຫຼືອຂອງ ນອກແວ ຕໍ່ ສປປ ລາວ ໃນຫຼາຍໆຂະແໜງການທັງພາກລັດ ແລະ ເອກະຊົນ ທີ່ໄດ້ຮັບຜົນສຳເລັດເປັນຢ່າງດີ ພ້ອມທັງໄດ້ສະເໜີໃຫ້ຝ່າຍນອກແວສືບຕໍ່ໃຫ້ການຊ່ວຍເຫຼືອແກ່ ສປປ ລາວ ໃນໂຄງການເກັບກູ້ລະເບີດບໍ່ທັນແຕກໃຫ້ມີປະສິດທິຜົນຕໍ່ໆໄປ. ຈາກນັ້ນ ທ່ານ ລັດຖະມົນຕີ ສະເຫຼີມໄຊ ກົມມະສິດ ພ້ອມດ້ວຍຄະນະ ໄດ້ພົບປະກັບ ຄະນະຮັບຜິດຊອບອົງການຊ່ວຍເຫຼືອຂອງປະຊາຊົນ ນອກແວ (Norwegian People’s Aids) ແລະ ພົບປະກັບຄະນະຂອງສະຖາບັນການເງິນຊ່ວຍເຫຼືອຂອງນອກແວ (Norfund) ແລະ ໄດ້ຢ້ຽມຊົມສະຖານທີທ່ອງທ່ຽວວັດທະນະທຳຕ່າງໆ ຂອງປະເທດນອກແວ. ຄຽງຄູ່ກັບການຢ້ຽມຢາມດັ່ງກ່າວ, ສອງຝ່າຍກໍ່ມີການພົບປະປຶກສາຫາລືດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ນອກແວ ຄັ້ງທີ 2 ໃນລະດັບຫົວໜ້າກົມ ເຊິ່ງໄດ້ດຳເນີນໄປດ້ວຍບັນຍາກາດອັນສ້າງສັນ ແລະ ເຂົ້າອົກເຂົ້າໃຈເຊິ່ງກັນ ແລະ ກັນ ແຕ່ຕົ້ນຕະຫຼອດປາຍ.

ບົດຂ່າວອື່ນໆ

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
182879
ມື້ນີ້20
ມື້ວານ95
ອາທິດນີ້277
ເດືອນນີ້1661
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710