ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ສຳເລັດການຢ້ຽມຢາມ ຣາຊະອານາຈັກ ລຸກຊຳບວກ

 

FMvisitLuxumberg

 

ໂດຍຕອບສະໜອງຕາມຄຳເຊີນຂອງທ່ານ ຊອນ ອັສ​ແຊນ​ລ໌ບອນ (H.E. Mr. Jean ASSELBORN), ລັດຖະມົນຕີກະຊວງການຕ່າງປະເທດ ແລະ ວຽງານເອີຣົບ ແຫ່ງ ຣາຊະອານາຈັກ ລຸກຊຳບວກ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ລາວ ພ້ອມດ້ວຍຄະນະ ໄດ້ເດີນທາງຢ້ຽມຢາມ ຣາຊະອາຈັກ ລຸກຊຳບວກ ຢ່າງເປັນທາງການ, ໃນລະຫວ່າງວັນທີ 26-27 ມິຖຸນາ 2019, ເຊິ່ງເປັນການຢ້ຽມຢາມຄັ້ງປະຖົມມະລືກ ແລະ ເປັນນິມິດໝາຍອັນສຳຄັນໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປ ລາວ ແລະ ຣາຊະອານາຈັກ ລຸກຊຳບວກ ໃຫ້ນັບມື້ນັບແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ.

ໃນຕອນບ່າຍຂອງວັນທີ 26 ມິຖຸນາ 2019, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ລາວ ໄດ້ພົບປະສອງຝ່າຍກັບ ທ່ານ ຊອນ ອັສ​ແຊນ​ລ໌ບອນ, ລັດຖະມົນຕີກະຊວງການຕ່າງປະເທດ ແລະ ວຽງານເອີຣົບ ແຫ່ງ ຣາຊະອານາຈັກ ລຸກຊຳບວກ, ເຊິ່ງໄດ້ດຳເນີນໄປພາຍໃຕ້ບັນຍາກາດອັນສະໜິດສະໜົມ ແລະ ສ້າງສັນ. ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ຣາຊະອານາຈັກ ລຸກຊໍາບວກ ນັບແຕ່ ສອງປະເທດໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 25 ກັນຍາ 1997 ເປັນຕົ້ນມາ. ພ້ອມກັນນັ້ນ,​ ກໍ່ໄດ້ທົບທວນຄືນການຊ່ວຍເຫຼືອຂອງ ຣາຊະອານາຈັກ ລຸກຊຳບວກ ແກ່ ສປ ລາວ ເຊິ່ງສຸມໃສ່ຂະແໜງການບຸລິມະສິດຂອງແຜນພັດທະນາເສດຖະກິດ-ສັງຄົມ ໃນໄລຍະຜ່ານມາຮອດປັດຈຸບັນ ເຊັ່ນ: ດ້ານ​ການ​ສຶກສາ, ສາທາລະນະ​ສຸກ, ອຸດສາ​ຫະກຳການທ່ອງທ່ຽວ, ການເກັບກູ້ລະເບີດບໍ່ທັນແຕກຢູ່ລາວ, ໂຮງ​ແຮມ ແລະ ການບໍລິ​ການ, ການ​ເງິນ-ການ​ທະນາຄານ, ພັດທະນາ​ຊົນນະບົດ ​ແລະ ພື້ນຖານ​ໂຄງ​ລ່າງ. ສຳລັບການຊ່ວຍເຫຼືອຂອງລຸກຊຳບວກ ແມ່ນເປັນແຜນງານ​ຮ່ວມ​ມືໄລຍະຍາວ ​ລະ​ຫວ່າງ ​ສອງ​ລັດ​ຖະ​ບານ (Indicative Cooperation Programme (ICP) ແລະ ຈັດເປັນ​ແຕ່​ລະ​ໄລ​ຍະ, ຊຶ່ງ​ມາ​ເຖິງ​ປັດ​ຈຸ​ບັນ​ ​ປະ​ຕິ​ບັດໄດ້​ 4 ໄລ​ຍະ​ແລ້ວ​ ຄື: 1) ICP I ແຕ່ປີ 2003-2006 ມູນ​ຄ່າ 18 ລ້ານ​ເອີ​ໂຣ, 2) ICP II ແຕ່ປີ 2007-2010 ​ມູນ​ຄ່າ 35 ລ້ານ​ເອີ​ໂຣ, 3) ICP III ແຕ່ປີ 2011-2015 ມູນ​ຄ່າ 50 ລ້ານ​ເອີ​ໂຣ ແລະ 4) ICP IVແຕ່ປີ 2016-2020 ມູນ​ຄ່າ 75 ລ້ານເອີໂຣ, ຊຶ່ງລວມມູນຄ່າການຊ່ວຍເຫຼືອທັງໝົດ ນັບແຕ່ປີ 2003 ເປັນຕົ້ນມາ ມີເຖິງ 178 ລ້ານເອີໂຣ. ໃນໂອກາດນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ຕາງໜ້າໃຫ້ລັດຖະບານ ສະແດງຄວາມຮູ້ບຸນຄຸນຢ່າງສູງຕໍ່ການຊ່ວຍເຫຼືອອັນລ້ຳຄ່າຂອງ ລັດຖະບານ ແລະ ປະຊົນ ລຸກຊຳບວກ ໃຫ້ແກ່ ສປປ ລາວ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງຕົນໃຫ້ມີຄວາມກ້າວໜ້າ ແລະ ປະສົບຜົນສຳເລັດເປັນຢ່າງດີ, ອັນເປັນການປະກອບສ່ວນອັນສຳຄັນ ເຂົ້າໃນການປັບປຸງຊີວິດການເປັນຢູ່ຂອງປະຊາຊົນລາວບັນດາເຜົ່າ ໃຫ້ດີຂຶ້ນເທື່ອລະກ້າວ. ຄຽງຄູ່ກັນນັ້ນ, ສອງຝ່າຍ ໄດ້ປຶກສາຫາລືທິດທາງແຜນການຮ່ວມມືໃນຕໍ່ໜ້າ ລວມທັງການຮ່ວມມື ລະຫວ່າງສອງກະຊວງການຕ່າງປະເທດ າວ-ລຸກຊໍາບວກ. ໃນຂະນະດຽວກັນນັ້ນ, ຝ່າຍລຸກຊຳບວກ ກໍ່ໄດ້ຢືນຢັນທີ່ຈະສືບຕໍ່ໃຫ້ການຊ່ວຍເຫຼືອ​​ເພີ່ມຕື່ມ ເພື່ອປະກອບສ່ວນຊ່ວຍເຫຼືອໃຫ້ ສປ ລາວ ຫຼຸດພົ້ນອອກຈາກສະຖານະພາບດ້ອຍພັດທະນາ ໃນປີ 2024 ແລະ ບັນລຸເປົ້າໝາຍການພັດທະນາແບບຍືນຍົງເທື່ອລະກ້າວ. ນອກຈາກນັ້ນ, ສອງຝ່າຍ ຍັງໄດ້ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈຮ່ວມກັນ.

ໃນໂອກາດຢ້ຽມຢາມທາງການ ທີ່ ຣາຊະອານາຈັກລຸກຊຳບວກ ໃນຄັ້ງນີ້, ນອກຈາກການພົບປະສອງຝ່າຍ ກັບ ທ່ານ ຊອນ ອັສ​ແຊນ​ລ໌ບອນ, ລັດຖະມົນຕີກະຊວງການຕ່າງປະເທດ ແລະ ວຽງານເອີຣົບ ແລະ ພົບປະກັບ ທ່ານ ນາງ Paulette Lenert, ລັດຖະມົນຕີຮ່ວມມື ເພື່ອການພັດທະນາ ແລະ ມະນຸດສະທຳ ແຫ່ງ ຣາຊະອານາຈັກ ລຸກຊຳບວກ ແລ້ວ, ທ່ານລັດຖະມົນຕີ ສະເຫຼີມໄຊ ກົມມະສິດ ແລະ ຄະນະ ຍັງໄດ້ເຂົ້າຢ້ຽມຂໍ່ານັບ ພະນະທ່ານ ຊາວີເອ ແບນແຕນ (Xavier Bettel), ນາຍົກລັດຖະມົນຕີ ແຫ່ງ ຣາຊະອານາຈັກ ລຸກຊໍາບວກ ແລະ ທ່ຽວຊົມ ສະຖານທີ່ທ່ອງທ່ຽວທີ່ສຳຄັນທາງປະຫວັດສາດ ຈໍານວນໜຶ່ງໃນ ລຸກຊຳບວກ.

ບົດຂ່າວອື່ນໆ

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
182879
ມື້ນີ້20
ມື້ວານ95
ອາທິດນີ້277
ເດືອນນີ້1661
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710