ໃນວັນທີ 3 ສິງຫາ 2018,ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ສືບຕໍ່ນໍາພາຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດ ລະຫວ່າງອາຊຽນ ກັບ ບັນດາປະເທດຄູ່ເຈລະຈາ ຊຶ່ງລວມມີ:ກອງປະຊຸມລັດຖະມົນຕ່າງປະເທດອາຊຽນ-ອິນເດຍ, ອາຊຽນ-ການາດາ, ອາຊຽນ-ສ. ເກົາຫຼີ, ອາຊຽນ-ອີຢູ, ອາຊຽນ-ອົດສະຕຣາລີ, ແລະ ອາຊຽນ-ສະຫະລັດ.
ກອງປະຊຸມລັດຖະມົນການຕ່າງປະເທດ ອາຊຽນ-ອິນເດຍ ໄດ້ຢໍ້າຄືນຄວາມໝາຍໝັ້ນຂອງອາຊຽນ ແລະ ອິນເດຍ ໃນການເພີ່ມທະວີ ແລະ ຮັດແໜ້ນການເປັນຄູ່ຮ່ວມຍຸດທະສາດ ແລະ ໄດ້ເນັ້ນຄວາມສຳຄັນ ຂອງການຜັນຂະຫຍາຍ ບັນດາຂໍ້ລິເລີ່ມ ທີ່ໄດ້ປະກາດໃນ ກອງປະຊຸມສຸດຍອດສະເຫຼີມສະຫຼອງການພົວພັນອາຊຽນ-ອິນເດຍ ຄົບຮອບ 25 ປີ ໃນເດືອນ ມັງກອນ 2018 ທີ່ ນິວເດັນລີ ເຊັ່ນ: ທຶນກູ້ຢືມເງິນ ມູນຄ່າ 1 ຕື້ໂດລາສະຫະລັດ ເພື່ອການພັດທະນາ ການເຊື່ອມຈອດດ້ານໂຄງລ່າງພື້ນຖານ ແລະ ການເຊື່ອມຈອດດີຈີຕອນ ແລະ ການຈັດຕັ້ງປະຕິບັດໂຄງການ ທົດລອງບ້ານດີຈີຕອນ ຢູ່ ກຳປູເຈຍ, ສປປ ລາວ, ມຽນມາ ແລະ ຫວຽດນາມ ແລະ ອື່ນໆ. ອິນເດຍ ໄດ້ເນັ້ນຄວາມສໍາຄັນຂອງການຮ່ວມມືທາງທະເລ ແລະ ຊູກຍູ້ໃຫ້ເພີ່ມທະວີການຮ່ວມມືທາງທະເລ ໂດຍຜ່ານຂໍ້ລິເລີ່ມ “SAGAR” (ໝາຍເຖິງ ຄວາມໝັ້ນຄົງ ແລະ ການພັດທະນາ ສຳລັບທຸກປະເທດໃນພາກພື້ນ) ແລະ ແນວຄວາມຄິດ ກ່ຽວກັບເສດຖະກິດສີຟ້າ (blue economy). ໃນໂອກາດນີ້, ກອງປະຊຸມໄດ້ຮັບຊາບ ຄວາມຄືບຫນ້າກ່ຽວກັບ ການຮ່າງສັນຍາການຂົນສົ່ງທາງອາກາດ ລະຫວ່າງ ອາຊຽນ ແລະ ອິນເດຍ, ສັນຍາ ການຂົນສົ່ງທາງທະເລ ອາຊຽນ-ອິນເດຍ ແລະ ຊຸກຍູ້ໃຫ້ສຳເລັດໂດຍໄວ.
ກອງປະຊຸມລັດຖະມົນການຕ່າງປະເທດ ອາຊຽນ-ການາດາໄດ້ເຫັນດີສືບຕໍ່ຮັດແໜ້ນການຮ່ວມມື ແນໃສ່ຈັດຕັ້ງປະຕິບັດ ແຜນປະຕິບັດງານອາຊຽນ-ການາດາ 2016-2020 ໃຫ້ປະກົດຜົນເປັນຈິງ ດ້ວຍການຈັດຕັ້ງປະຕິບັດ ກິດຈະກໍາຮ່ວມມື ໃນຂົງເຂດຕ່າງໆເຊັ່ນ: ການພັດທະນາວິສາຫະກິດຂະໜາດໜ້ອຍ ແລະ ກາງ, ການເຊື່ອມຈອດ, ນະວັດຕະກຳ, ການຄຸ້ມຄອງໄພພິບັດ, ການສຶກສາ ແລະ ອື່ນໆ. ກອງປະຊຸມ ໄດ້ສະແດງຄວາມຍິນດີຕໍ່ຄວາມຄືບໜ້າ ຂອງ ການຜັນຂະຫຍາຍໂຄງການທຶນການສຶກສາ ແລະ ການແລກປ່ຽນ ເພື່ອການພັດທະນາ ສຳລັບອາຊຽນ ມູນຄ່າ 10 ລ້ານໂດລາ ທີ່ ການາດາ ໄດ້ປະກາດໃນປີ 2017 ແລະ ຮັບຊາບຄວາມຄືບໜ້າຂອງບົດສືກສາຄົ້ນຄວ້າ ຄວາມເປັນໄປໄດ້ ໃນການສ້າງເຂດການຄ້າເສລີ ລະຫວ່າງອາຊຽນ ແລະ ການາດາ. ໃນໂອກາດນີ້, ສປປ ລາວ ໄດ້ສະແດງຄວາມຍິນດີ ທີ່ ຈະເປັນປະທານຮ່ວມກອງປະຊຸມ ກາງສະໄໝເວທີພາກພື້ນອາຊຽນ ວ່າດ້ວຍ ການຫຼຸດຜ່ອນໄພພິບັດ ພ້ອມກັບ ການາດາ ແລະ ສປ ຈີນ ສຳລັບ 3 ປີຕໍ່ໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ສ. ເກົາຫຼີ ໄດ້ຕີລາຄາສູງການຮ່ວມມື ລະຫວ່າງອາຊຽນ-ສ. ເກົາຫຼີ ໃນຂົງເຂດຕ່າງໆ ໃນໄລຍະໜຶ່ງ ປີ ຜ່ານມາ ແລະ ໄດ້ຢໍ້າຄືນຄວາມພະຍາຍາມເພື່ອ ບັນລຸຄາດໝາຍມູນຄ່າ ການຄ້າອາຊຽນ-ສ. ເກົາຫຼີ ໃຫ້ໄດ້ 200 ຕື້ໂດລາສະຫະລັດ ພາຍໃນປີ 2020. ກອງປະຊຸມໄດ້ຊຸກຍູ້ສູນອາຊຽນ-ເກົາຫຼີ ແລະ ເຮືອນວັດທະນະທຳອາຊຽນ ຢູ່ ປູຊານ ເພີ່ມທະວີການຈັດຕັ້ງປະຕິບັດກິດຈະກຳຕ່າງໆທີ່ແນໃສ່ ສົ່ງເສີມການຮ່ວມມື ດ້ານເສດຖະກິດ ແລະ ການໄປມາຫາສູ່ກັນ ລະຫວ່າງປະຊາຊົນສອງພາກພື້ນໃຫ້ນັບມື້ ນັບຫຼາຍຂຶ້ນ. ອັນສຳຄັນ, ກອງປະຊຸມ ຍັງໄດ້ປຶກສາຫາລືຂໍ້ສະເໜີຂອງ ສ. ເກົາຫຼີ ເພື່ອຈັດກອງປະຊຸມສຸດຍອດ ສະເຫຼີມສະຫຼອງຄົບຮອບ 30 ປີ ແຫ່ງການພົວພັນອາຊຽນ-ສ. ເກົາຫຼີ ໃນປີ 2019 ທີ່ ສ. ເກົາຫຼີ. ນອກນີ້, ກອງປະຊຸມໄດ້ແລກປ່ຽນຄຳຄິດເຫັນ ກ່ຽວກັບ ບັນຫາພາກພື້ນ ລະ ສາກົນ ທີ່ມີຄວາມສົນໃຈຮ່ວມກັນ. ໃນນັ້ນ, ໄດ້ສະແດງຄວາມຊົມເຊີຍຕໍ່ ຄວາມພະຍາຍາມ ແລະ ຄຳໝາຍໝັ້ນ ໃນການປັບປຸງສາຍພົວພັນ ລະຫວ່າງ ສອງ ເກົາຫລີ ເພື່ອກ້າວໄປສູ່ການສ້າງແຫຼມເກົາຫຼີ ໃຫ້ເປັນ ພາກພື້ນທີ່ມີສັນຕິພາບແບບຍືນຍົງ ແລະ ເປັນເຂດ ປອດອາວຸດນິວເຄລຍ.
ກອງປະຊຸມລັດຖະມົນການຕ່າງປະເທດອາຊຽນ-ອີຢູ ໄດ້ຕີລາຄາສູງ ຜົນສຳເລັດຂອງການຈັດກອງປະຊຸມສຸດຍອດ ສະເຫລີມສະຫລອງການພົວພັນອາຊຽນ-ອີຢູ ຄົບຮອບ 40 ປີ ໃນປີ 2017 ທີ່ ຟີລິບປິນ ເຊິ່ງໄດ້ຢໍ້າຄືນ ຄວາມໝາຍໝັ້ນທີ່ຈະສືບຕໍ່ການຮ່ວມມືອາຊຽນ-ອີຢູເພື່ອກ້າວໄປສູ່ການຍົກລະດັບເປັນຄູ່ຮ່ວມມືຍຸດທະສາດ ໃນຕໍ່ຫນ້າ. ກອງປະຊຸມໄດ້ຮັບຊາບຄວາມຄືບໜ້າຂອງການຈັດຕັ້ງປະຕິບັດແຜນປະຕິບັດງານອາຊຽນ-ອີຢູ ປີ 2018-2022 ແລະ ສະແດງຄວາມຊົມເຊີຍຕໍ່ ການເປີດຕົວ 2 ໂຄງການຮ່ວມມືອາຊຽນ-ອີຢູ ມູນຄ່າ 61 ລ້ານ ເອີໂຣ ໃນຕົ້ນປີນີ້ ແນ່ໃສ່ປະກອບສ່ວນເຂົ້າໃນຂະບວນການເຊື່ອມໂຍງພາກພື້ນອາຊຽນ ແລະ ໄດ້ເນັ້ນຄວາມສຳຄັນ ຂອງການສ້າງເງື່ອນໄຂ ເພື່ອສືບຕໍ່ເຈລະຈາເຂດການຄ້າເສລີ ອາຊຽນ-ອີຢູ ໃນອະນາຄົດ. ນອກນີ້, ກອງປະຊຸມ ກໍໄດ້ກະກຽມໃຫ້ແກ່ ກອງປະຊຸມຜູ້ນຳ ອາຊຽນ-ອີຢູ ໃນເດືອນ ຕຸລາ 2018 ທີ່ ບຣຸກແຊນ ໃນໂອກາດກອງປະຊຸມ ສຸດຍອດອາເຊັມ ຄັ້ງທີ 12 ແລະ ກອງປະຊຸມລັດຖະມົນຕີຕ່າງປະເທດອາຊຽນ-ອີຢູ ຄັ້ງທີ 22 ເຊິ່ງຈະຈັດຂຶ້ນໃນຕົ້ນປີໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ອົດສະຕຣາລີ ໄດ້ສະແດງຄວາມຍິນດີຕໍ່ຜົນສຳເລັດຂອງກອງປະຊຸມສຸດຍອດ ອາຊຽນ-ອົດສະຕຣາລີ ສະໄໝພິເສດ ທີ່ໄດ້ຈັດຂຶ້ນ ໃນເດືອນມີນາ 2018 ທີ່ ຊິດນີ, ອົດສະຕຣາລີ ແລະ ຢໍ້າຄືນຄວາມໝາຍໝັ້ນຂອງສອງຝ່າຍ ທີ່ຈະຜັນຂະຫຍາຍ 15 ຂໍ້ລິເລີ່ມ ທີ່ ອົດສະຕຣາລີ ໄດ້ປະກາດໃນກອງປະຊຸມ ສຸດຍອດສະໄໝພິເສດດັ່ງກ່າວ ກວມເອົາຂົງເຂດຕ່າງໆ ເຊັ່ນ ການພັດທະນາເຄືອຂ່າຍຕົວເມືອງທັນສະໄໝ, ການພັດທະນາພື້ນຖານໂຄງລ່າງ, ການຮ່ວມມືດ້ານເສດຖະກິດ ແລະ ທຶນການສຶກສາພາຍໃຕ້ແຜນວຽກ New Colombo Plan. ກອງປະຊຸມ ໄດ້ເຫັນດີເພີ່ມທະວີການຮ່ວມມືດ້ານການຕ້ານການກໍ່ການຮ້າຍ, ການຮ່ວມມືດ້ານການສຶກສາ, ການເຊື່ອມໂຍງ ແລະ ການເຊື່ອມຈອດອາຊຽນ. ນອກນີ້, ກໍໄດ້ຮັບຊາບ ຄວາມຄືບຫນ້າໃນການທົບທວນຄືນ ສັນຍາເຂດການຄ້າເສລີ ອາຊຽນ-ອົດສະຕາລີ ແລະ ນິວຊີແລນ ເພື່ອກ້າວໄປສູ່ການຍົກລະດັບ ສັນຍາດັ່ງກ່າວ ໃນຕໍ່ໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ສະຫະລັດໄດ້ສະແດງຄວາມເພິ່ງພໍໃຈຕໍ່ຄວາມຄືບຫນ້າຂອງ ການຮ່ວມມື ໃນດ້ານການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມ ຜ່ານການຈັດຕັ້ງປະຕິບັດ ແຜນປະຕິບັດງານອາຊຽນ-ສະຫະລັດ 2016-2020 ແລະ ສັນຍາຂອບການຄ້າ ແລະ ການລົງທຶນ ອາຊຽນ-ສະຫະລັດ ສົກປີ 2017-2018. ກອງປະຊຸມ ໄດ້ສະແດງຄວາມຍິນດີຕໍ່ ໂຄງການເພື່ອສົ່ງເສີມການເຕີບໂຕ ແບບກວມລວມ ໃນພາກພື້ນອາຊຽນ ໄລຍະ 5 ປີ ເຊິ່ງຈະເລີ່ມຈັດຕັ້ງປະຕິບັດໃນປີ 2018. ກອງປະຊຸມ ໄດ້ແລກປ່ຽນຄຳຄິດເຫັນ ກ່ຽວກັບ ບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເຊັ່ນ ການປະກາດທຶນ ຈັດຕັ້ງປະຕິບັດ ຂໍ້ລິເລີ່ມອິນໂດປາຊີຟິກ ຂອງສະຫະລັດ ທີ່ເນັ້ນໃສ່ການຮ່ວມມືດ້ານເຕັກໂນໂລຊີ, ພະລັງງານ, ແລະ ໂຄງລ່າງພື້ນຖານ ຈຳນວນ 113 ລ້ານໂດລາສະຫະລັດ ແລະ ຄວາມສຳຄັນຂອງການຄ້າຫຼາຍຝ່າຍແບບເສລີ ແລະ ເປີດກວ້າງ ບົນພື້ນຖານຕ່າງ ຝ່າຍຕ່າງໄດ້ຮັບຜົນປະໂຫຍດ. ໃນໂອກາດນີ້, ສປປ ລາວ ໄດ້ສະແດງຄວາມຊົມເຊີຍ ຕໍ່ຜົນສຳເລັດ ຂອງມາເລເຊຍ ໃນຖານະເປັນປະເທດປະສານງານໃຫ້ແກ່ການພົວພັນອາຊຽນ-ສະຫະລັດ ໃນໄລຍະສາມປີ ທີ່ຜ່ານມາ (2015-2018), ແລະ ສປປ ລາວ ໃນຖານະປະເທດປະສານງານ ໃຫ້ແກ່ການພົວພັນອາຊຽນ-ສະຫະລັດ ສຳລັບສົກປີ 2018-2021, ຈະສືບຕໍ່ເຮັດວຽກກັບບັນດາປະເທດສະມາຊິກອາຊຽນ ແລະ ສະຫະລັດ ເພື່ອຮັດແໜ້ນ ການຮ່ວມມືອາຊຽນ-ສະຫະລັດ ໃຫ້ມີຜົນສຳເລັດໃໝ່ໃນຕໍ່ໜ້າ.
ໃນໂອກາດກອງປະຊຸມຄັ້ງນີ້, ບັນດາປະເທດຄູ່ເຈລະຈາອາຊຽນ ໂດຍສະເພາະ ຈີນ, ຍີ່ປຸ່ນ, ສ. ເກົາຫຼີ, ອາເມລິກາ, ອົດສະຕຣາລີ ແລະ ນິວຊີແລນ ໄດ້ສະແດງຄວາມເສຍໃຈ ແລະ ຄວາມເຫັນໃຈຕໍ່ ສປປ ລາວ ທີ່ໄດ້ຮັບ ຜົນກະທົບຈາກໄພນໍ້າຖ້ວມທີ່ເກີດຈາກເຫດການເຂື່ອນກັນນໍ້າຂອງໂຄງການເຄື່ອນໄຟຟ້າເຊນໍ້າປຽນ-ເຊນໍ້ານ້ອຍ ແຕກ ຢູ່ແຂວງອັດຕະປື ແລະ ຢືນຢັນຄວາມກຽມພ້ອມໃນການໃຫ້ການຊ່ວຍເຫຼືອບັນເທົາທຸກຈາກໄພພິບັດດັ່ງກ່າວໃຫ້ແກ່ ສປປ ລາວ. ສປປ ລາວ ກໍໄດ້ຖືໂອກາດນີ້ ສະແດງຄວາມຂອບໃຈບັນດາປະເທດສະມາຊິກອາຊຽນ ແລະ ບັນດາປະເທດຄູ່ເຈລະຈາອາຊຽນ ຕໍ່ຄວາມເຫັນໃຈ ແລະ ການຊ່ວຍເຫຼືອແກ່ສປປ ລາວ ໃນຄວາມພະຍາຍາມ ບັນເທົາທຸກໄພນຳ້ຖ້ວມຄັ້ງນີ້.
ໃນວັນທີ 3 ສິງຫາ 2018,ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ສືບຕໍ່ນໍາພາຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດ ລະຫວ່າງອາຊຽນ ກັບ ບັນດາປະເທດຄູ່ເຈລະຈາ ຊຶ່ງລວມມີ:ກອງປະຊຸມລັດຖະມົນຕ່າງປະເທດອາຊຽນ-ອິນເດຍ, ອາຊຽນ-ການາດາ, ອາຊຽນ-ສ. ເກົາຫຼີ, ອາຊຽນ-ອີຢູ, ອາຊຽນ-ອົດສະຕຣາລີ, ແລະ ອາຊຽນ-ສະຫະລັດ.
ກອງປະຊຸມລັດຖະມົນການຕ່າງປະເທດ ອາຊຽນ-ອິນເດຍ ໄດ້ຢໍ້າຄືນຄວາມໝາຍໝັ້ນຂອງອາຊຽນ ແລະ ອິນເດຍ ໃນການເພີ່ມທະວີ ແລະ ຮັດແໜ້ນການເປັນຄູ່ຮ່ວມຍຸດທະສາດ ແລະ ໄດ້ເນັ້ນຄວາມສຳຄັນ ຂອງການຜັນຂະຫຍາຍ ບັນດາຂໍ້ລິເລີ່ມ ທີ່ໄດ້ປະກາດໃນ ກອງປະຊຸມສຸດຍອດສະເຫຼີມສະຫຼອງການພົວພັນອາຊຽນ-ອິນເດຍ ຄົບຮອບ 25 ປີ ໃນເດືອນ ມັງກອນ 2018 ທີ່ ນິວເດັນລີ ເຊັ່ນ: ທຶນກູ້ຢືມເງິນ ມູນຄ່າ 1 ຕື້ໂດລາສະຫະລັດ ເພື່ອການພັດທະນາ ການເຊື່ອມຈອດດ້ານໂຄງລ່າງພື້ນຖານ ແລະ ການເຊື່ອມຈອດດີຈີຕອນ ແລະ ການຈັດຕັ້ງປະຕິບັດໂຄງການ ທົດລອງບ້ານດີຈີຕອນ ຢູ່ ກຳປູເຈຍ, ສປປ ລາວ, ມຽນມາ ແລະ ຫວຽດນາມ ແລະ ອື່ນໆ. ອິນເດຍ ໄດ້ເນັ້ນຄວາມສໍາຄັນຂອງການຮ່ວມມືທາງທະເລ ແລະ ຊູກຍູ້ໃຫ້ເພີ່ມທະວີການຮ່ວມມືທາງທະເລ ໂດຍຜ່ານຂໍ້ລິເລີ່ມ “SAGAR” (ໝາຍເຖິງ ຄວາມໝັ້ນຄົງ ແລະ ການພັດທະນາ ສຳລັບທຸກປະເທດໃນພາກພື້ນ) ແລະ ແນວຄວາມຄິດ ກ່ຽວກັບເສດຖະກິດສີຟ້າ (blue economy). ໃນໂອກາດນີ້, ກອງປະຊຸມໄດ້ຮັບຊາບ ຄວາມຄືບຫນ້າກ່ຽວກັບ ການຮ່າງສັນຍາການຂົນສົ່ງທາງອາກາດ ລະຫວ່າງ ອາຊຽນ ແລະ ອິນເດຍ, ສັນຍາ ການຂົນສົ່ງທາງທະເລ ອາຊຽນ-ອິນເດຍ ແລະ ຊຸກຍູ້ໃຫ້ສຳເລັດໂດຍໄວ.
ກອງປະຊຸມລັດຖະມົນການຕ່າງປະເທດ ອາຊຽນ-ການາດາໄດ້ເຫັນດີສືບຕໍ່ຮັດແໜ້ນການຮ່ວມມື ແນໃສ່ຈັດຕັ້ງປະຕິບັດ ແຜນປະຕິບັດງານອາຊຽນ-ການາດາ 2016-2020 ໃຫ້ປະກົດຜົນເປັນຈິງ ດ້ວຍການຈັດຕັ້ງປະຕິບັດ ກິດຈະກໍາຮ່ວມມື ໃນຂົງເຂດຕ່າງໆເຊັ່ນ: ການພັດທະນາວິສາຫະກິດຂະໜາດໜ້ອຍ ແລະ ກາງ, ການເຊື່ອມຈອດ, ນະວັດຕະກຳ, ການຄຸ້ມຄອງໄພພິບັດ, ການສຶກສາ ແລະ ອື່ນໆ. ກອງປະຊຸມ ໄດ້ສະແດງຄວາມຍິນດີຕໍ່ຄວາມຄືບໜ້າ ຂອງ ການຜັນຂະຫຍາຍໂຄງການທຶນການສຶກສາ ແລະ ການແລກປ່ຽນ ເພື່ອການພັດທະນາ ສຳລັບອາຊຽນ ມູນຄ່າ 10 ລ້ານໂດລາ ທີ່ ການາດາ ໄດ້ປະກາດໃນປີ 2017 ແລະ ຮັບຊາບຄວາມຄືບໜ້າຂອງບົດສືກສາຄົ້ນຄວ້າ ຄວາມເປັນໄປໄດ້ ໃນການສ້າງເຂດການຄ້າເສລີ ລະຫວ່າງອາຊຽນ ແລະ ການາດາ. ໃນໂອກາດນີ້, ສປປ ລາວ ໄດ້ສະແດງຄວາມຍິນດີ ທີ່ ຈະເປັນປະທານຮ່ວມກອງປະຊຸມ ກາງສະໄໝເວທີພາກພື້ນອາຊຽນ ວ່າດ້ວຍ ການຫຼຸດຜ່ອນໄພພິບັດ ພ້ອມກັບ ການາດາ ແລະ ສປ ຈີນ ສຳລັບ 3 ປີຕໍ່ໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ສ. ເກົາຫຼີ ໄດ້ຕີລາຄາສູງການຮ່ວມມື ລະຫວ່າງອາຊຽນ-ສ. ເກົາຫຼີ ໃນຂົງເຂດຕ່າງໆ ໃນໄລຍະໜຶ່ງ ປີ ຜ່ານມາ ແລະ ໄດ້ຢໍ້າຄືນຄວາມພະຍາຍາມເພື່ອ ບັນລຸຄາດໝາຍມູນຄ່າ ການຄ້າອາຊຽນ-ສ. ເກົາຫຼີ ໃຫ້ໄດ້ 200 ຕື້ໂດລາສະຫະລັດ ພາຍໃນປີ 2020. ກອງປະຊຸມໄດ້ຊຸກຍູ້ສູນອາຊຽນ-ເກົາຫຼີ ແລະ ເຮືອນວັດທະນະທຳອາຊຽນ ຢູ່ ປູຊານ ເພີ່ມທະວີການຈັດຕັ້ງປະຕິບັດກິດຈະກຳຕ່າງໆທີ່ແນໃສ່ ສົ່ງເສີມການຮ່ວມມື ດ້ານເສດຖະກິດ ແລະ ການໄປມາຫາສູ່ກັນ ລະຫວ່າງປະຊາຊົນສອງພາກພື້ນໃຫ້ນັບມື້ ນັບຫຼາຍຂຶ້ນ. ອັນສຳຄັນ, ກອງປະຊຸມ ຍັງໄດ້ປຶກສາຫາລືຂໍ້ສະເໜີຂອງ ສ. ເກົາຫຼີ ເພື່ອຈັດກອງປະຊຸມສຸດຍອດ ສະເຫຼີມສະຫຼອງຄົບຮອບ 30 ປີ ແຫ່ງການພົວພັນອາຊຽນ-ສ. ເກົາຫຼີ ໃນປີ 2019 ທີ່ ສ. ເກົາຫຼີ. ນອກນີ້, ກອງປະຊຸມໄດ້ແລກປ່ຽນຄຳຄິດເຫັນ ກ່ຽວກັບ ບັນຫາພາກພື້ນ ລະ ສາກົນ ທີ່ມີຄວາມສົນໃຈຮ່ວມກັນ. ໃນນັ້ນ, ໄດ້ສະແດງຄວາມຊົມເຊີຍຕໍ່ ຄວາມພະຍາຍາມ ແລະ ຄຳໝາຍໝັ້ນ ໃນການປັບປຸງສາຍພົວພັນ ລະຫວ່າງ ສອງ ເກົາຫລີ ເພື່ອກ້າວໄປສູ່ການສ້າງແຫຼມເກົາຫຼີ ໃຫ້ເປັນ ພາກພື້ນທີ່ມີສັນຕິພາບແບບຍືນຍົງ ແລະ ເປັນເຂດ ປອດອາວຸດນິວເຄລຍ.
ກອງປະຊຸມລັດຖະມົນການຕ່າງປະເທດອາຊຽນ-ອີຢູ ໄດ້ຕີລາຄາສູງ ຜົນສຳເລັດຂອງການຈັດກອງປະຊຸມສຸດຍອດ ສະເຫລີມສະຫລອງການພົວພັນອາຊຽນ-ອີຢູ ຄົບຮອບ 40 ປີ ໃນປີ 2017 ທີ່ ຟີລິບປິນ ເຊິ່ງໄດ້ຢໍ້າຄືນ ຄວາມໝາຍໝັ້ນທີ່ຈະສືບຕໍ່ການຮ່ວມມືອາຊຽນ-ອີຢູເພື່ອກ້າວໄປສູ່ການຍົກລະດັບເປັນຄູ່ຮ່ວມມືຍຸດທະສາດ ໃນຕໍ່ຫນ້າ. ກອງປະຊຸມໄດ້ຮັບຊາບຄວາມຄືບໜ້າຂອງການຈັດຕັ້ງປະຕິບັດແຜນປະຕິບັດງານອາຊຽນ-ອີຢູ ປີ 2018-2022 ແລະ ສະແດງຄວາມຊົມເຊີຍຕໍ່ ການເປີດຕົວ 2 ໂຄງການຮ່ວມມືອາຊຽນ-ອີຢູ ມູນຄ່າ 61 ລ້ານ ເອີໂຣ ໃນຕົ້ນປີນີ້ ແນ່ໃສ່ປະກອບສ່ວນເຂົ້າໃນຂະບວນການເຊື່ອມໂຍງພາກພື້ນອາຊຽນ ແລະ ໄດ້ເນັ້ນຄວາມສຳຄັນ ຂອງການສ້າງເງື່ອນໄຂ ເພື່ອສືບຕໍ່ເຈລະຈາເຂດການຄ້າເສລີ ອາຊຽນ-ອີຢູ ໃນອະນາຄົດ. ນອກນີ້, ກອງປະຊຸມ ກໍໄດ້ກະກຽມໃຫ້ແກ່ ກອງປະຊຸມຜູ້ນຳ ອາຊຽນ-ອີຢູ ໃນເດືອນ ຕຸລາ 2018 ທີ່ ບຣຸກແຊນ ໃນໂອກາດກອງປະຊຸມ ສຸດຍອດອາເຊັມ ຄັ້ງທີ 12 ແລະ ກອງປະຊຸມລັດຖະມົນຕີຕ່າງປະເທດອາຊຽນ-ອີຢູ ຄັ້ງທີ 22 ເຊິ່ງຈະຈັດຂຶ້ນໃນຕົ້ນປີໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ອົດສະຕຣາລີ ໄດ້ສະແດງຄວາມຍິນດີຕໍ່ຜົນສຳເລັດຂອງກອງປະຊຸມສຸດຍອດ ອາຊຽນ-ອົດສະຕຣາລີ ສະໄໝພິເສດ ທີ່ໄດ້ຈັດຂຶ້ນ ໃນເດືອນມີນາ 2018 ທີ່ ຊິດນີ, ອົດສະຕຣາລີ ແລະ ຢໍ້າຄືນຄວາມໝາຍໝັ້ນຂອງສອງຝ່າຍ ທີ່ຈະຜັນຂະຫຍາຍ 15 ຂໍ້ລິເລີ່ມ ທີ່ ອົດສະຕຣາລີ ໄດ້ປະກາດໃນກອງປະຊຸມ ສຸດຍອດສະໄໝພິເສດດັ່ງກ່າວ ກວມເອົາຂົງເຂດຕ່າງໆ ເຊັ່ນ ການພັດທະນາເຄືອຂ່າຍຕົວເມືອງທັນສະໄໝ, ການພັດທະນາພື້ນຖານໂຄງລ່າງ, ການຮ່ວມມືດ້ານເສດຖະກິດ ແລະ ທຶນການສຶກສາພາຍໃຕ້ແຜນວຽກ New Colombo Plan. ກອງປະຊຸມ ໄດ້ເຫັນດີເພີ່ມທະວີການຮ່ວມມືດ້ານການຕ້ານການກໍ່ການຮ້າຍ, ການຮ່ວມມືດ້ານການສຶກສາ, ການເຊື່ອມໂຍງ ແລະ ການເຊື່ອມຈອດອາຊຽນ. ນອກນີ້, ກໍໄດ້ຮັບຊາບ ຄວາມຄືບຫນ້າໃນການທົບທວນຄືນ ສັນຍາເຂດການຄ້າເສລີ ອາຊຽນ-ອົດສະຕາລີ ແລະ ນິວຊີແລນ ເພື່ອກ້າວໄປສູ່ການຍົກລະດັບ ສັນຍາດັ່ງກ່າວ ໃນຕໍ່ໜ້າ.
ກອງປະຊຸມລັດຖະມົນການຕ່າງປະເທດ ອາຊຽນ-ສະຫະລັດໄດ້ສະແດງຄວາມເພິ່ງພໍໃຈຕໍ່ຄວາມຄືບຫນ້າຂອງ ການຮ່ວມມື ໃນດ້ານການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມ ຜ່ານການຈັດຕັ້ງປະຕິບັດ ແຜນປະຕິບັດງານອາຊຽນ-ສະຫະລັດ 2016-2020 ແລະ ສັນຍາຂອບການຄ້າ ແລະ ການລົງທຶນ ອາຊຽນ-ສະຫະລັດ ສົກປີ 2017-2018. ກອງປະຊຸມ ໄດ້ສະແດງຄວາມຍິນດີຕໍ່ ໂຄງການເພື່ອສົ່ງເສີມການເຕີບໂຕ ແບບກວມລວມ ໃນພາກພື້ນອາຊຽນ ໄລຍະ 5 ປີ ເຊິ່ງຈະເລີ່ມຈັດຕັ້ງປະຕິບັດໃນປີ 2018. ກອງປະຊຸມ ໄດ້ແລກປ່ຽນຄຳຄິດເຫັນ ກ່ຽວກັບ ບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເຊັ່ນ ການປະກາດທຶນ ຈັດຕັ້ງປະຕິບັດ ຂໍ້ລິເລີ່ມອິນໂດປາຊີຟິກ ຂອງສະຫະລັດ ທີ່ເນັ້ນໃສ່ການຮ່ວມມືດ້ານເຕັກໂນໂລຊີ, ພະລັງງານ, ແລະ ໂຄງລ່າງພື້ນຖານ ຈຳນວນ 113 ລ້ານໂດລາສະຫະລັດ ແລະ ຄວາມສຳຄັນຂອງການຄ້າຫຼາຍຝ່າຍແບບເສລີ ແລະ ເປີດກວ້າງ ບົນພື້ນຖານຕ່າງ ຝ່າຍຕ່າງໄດ້ຮັບຜົນປະໂຫຍດ. ໃນໂອກາດນີ້, ສປປ ລາວ ໄດ້ສະແດງຄວາມຊົມເຊີຍ ຕໍ່ຜົນສຳເລັດ ຂອງມາເລເຊຍ ໃນຖານະເປັນປະເທດປະສານງານໃຫ້ແກ່ການພົວພັນອາຊຽນ-ສະຫະລັດ ໃນໄລຍະສາມປີ ທີ່ຜ່ານມາ (2015-2018), ແລະ ສປປ ລາວ ໃນຖານະປະເທດປະສານງານ ໃຫ້ແກ່ການພົວພັນອາຊຽນ-ສະຫະລັດ ສຳລັບສົກປີ 2018-2021, ຈະສືບຕໍ່ເຮັດວຽກກັບບັນດາປະເທດສະມາຊິກອາຊຽນ ແລະ ສະຫະລັດ ເພື່ອຮັດແໜ້ນ ການຮ່ວມມືອາຊຽນ-ສະຫະລັດ ໃຫ້ມີຜົນສຳເລັດໃໝ່ໃນຕໍ່ໜ້າ.
ໃນໂອກາດກອງປະຊຸມຄັ້ງນີ້, ບັນດາປະເທດຄູ່ເຈລະຈາອາຊຽນ ໂດຍສະເພາະ ຈີນ, ຍີ່ປຸ່ນ, ສ. ເກົາຫຼີ, ອາເມລິກາ, ອົດສະຕຣາລີ ແລະ ນິວຊີແລນ ໄດ້ສະແດງຄວາມເສຍໃຈ ແລະ ຄວາມເຫັນໃຈຕໍ່ ສປປ ລາວ ທີ່ໄດ້ຮັບ ຜົນກະທົບຈາກໄພນໍ້າຖ້ວມທີ່ເກີດຈາກເຫດການເຂື່ອນກັນນໍ້າຂອງໂຄງການເຄື່ອນໄຟຟ້າເຊນໍ້າປຽນ-ເຊນໍ້ານ້ອຍ ແຕກ ຢູ່ແຂວງອັດຕະປື ແລະ ຢືນຢັນຄວາມກຽມພ້ອມໃນການໃຫ້ການຊ່ວຍເຫຼືອບັນເທົາທຸກຈາກໄພພິບັດດັ່ງກ່າວໃຫ້ແກ່ ສປປ ລາວ. ສປປ ລາວ ກໍໄດ້ຖືໂອກາດນີ້ ສະແດງຄວາມຂອບໃຈບັນດາປະເທດສະມາຊິກອາຊຽນ ແລະ ບັນດາປະເທດຄູ່ເຈລະຈາອາຊຽນ ຕໍ່ຄວາມເຫັນໃຈ ແລະ ການຊ່ວຍເຫຼືອແກ່ສປປ ລາວ ໃນຄວາມພະຍາຍາມ ບັນເທົາທຸກໄພນຳ້ຖ້ວມຄັ້ງນີ້.