ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຢ້ຽມຢາມທາງການ ທີ່ ບຣູໄນ ດາຣູຊາລາມ

BruneiSXL

 

BruneiSXLS

 

     ໂດຍ​ຕອບ​ສະ​ໜອງ​ຕາມ​ການ​ເຊີນ​ຂອງ ທ່ານ ​ເປ​ຮິນ ດາ​ໂຕະ ລິ​ມ ​ໂຈກ ​ເຊັງ, ລັດຖະມົນຕີ​ປະຈຳ​ສຳນັກງານ​ນາຍ​ົກລັດຖະມົນຕີ, ລັດຖະມົນຕີ​ກະຊວງ​ການ​ຕ່າງປະ​ເທດ ​ແລະ ການ​ຄ້າ ຜູ້​ທີ 2 ​ແຫ່ງ ບຣູ​ໄນ ດາຣູຊາ​ລາມ, ທ່ານ​ ສະເຫຼີ​ມ​ໄຊ ກົມມະ​ສິດ, ລັດຖະມົນຕີ​ກະຊວງ​ການ​ຕ່າງປະ​ເທດ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ພ້ອມ​ດ້ວຍ​ພັນ​ລະ​ຍາ ​ແລະ ຄະນະ ​ໄດ້​ທຳ​ການ​ຢ້ຽມ​ຢາມ​ ບຣູ​ໄນ ດາຣູຊາ​ລາມ ຢ່າງ​ເປັນ​ທາງ​ການ ​ໃນ​ລະຫວ່າງ​ວັນ​ທີ 14-16 ມີນາ 2017, ເພື່ອ​ເສີມຂະຫຍາຍສາຍພົວພັນມິດຕະພາບ ​ແລະ ການ​ຮ່ວມ​ມື​ທີ່​ດີ​ລະຫວ່າງ ລາວ-ບຣູ​ໄນ.

 

​     ໃນ​ຕອນ​ເຊົ້າ​ຂອງວັນ​ທີ 16 ມີນາ 2017, ​ລັດຖະມົນຕີ​ກະຊວງ​ການ​ຕ່າງປະ​ເທດ ລາວ-ບຣູ​ໄນ ​ໄດ້​ພົບ​ປະ​ສອງ​ຝ່າຍ ທີ່ ກະຊວງ​ການ​ຕ່າງປະ​ເທດ ​ແລະ ການ​ຄ້າບຣູ​ໄນ. ​ໃນ​ການ​ພົບ​ປະ​ຄັ້ງ​ນີ້, ລັດຖະມົນຕີ​ຂອງ​ລາວ ​ແລະ ບຣູ​ໄນ ຕ່າງ​ກໍ​ໄດ້​ຕີ​ລາຄາ​ສູງ​ຕໍ່​ການ​ພົວພັນ ​ແລະ ການ​ຮ່ວມ​ມື​ຂອງ​ສອງ​ປະ​ເທດ ທີ່​ມີ​ບາດກ້າວ​ຂະ​ຫຍາ​ຍຕົວ ​ແລະ ​ແຕກ​ດອກ​ອອກ​ຜົນ​ຢ່າງ​ຕໍ່​ເນື່ອງ, ​ເຫັນ​ໄດ້​ຈາກ​ການ​ແລກປ່ຽນ​ການ​ຢ້ຽມຢາມ ​ແລະ ​ໄປມາຫາສູ່​ກັນ​ຂອງ​ຄະນະ​ຜູ້​ແທນ ​ໃນ​ລະດັບ​ປະມຸກ​ລັດ, ຫົວໜ້າ​ລັດຖະບານ, ​ແລະ ຂະ​ແໜງ​ການ​ຕ່າງໆ ຢ່າງ​ເປັນ​ປົກກະຕິ​ໃນ​ໄລຍະ​ຜ່ານ​ມາ.

 

    ໃນ​​ໂອກາດການ​ພົບ​ປະ​ດັ່ງກ່າວ, ຝ່າຍ​ລາວ ​ໄດ້​ສະ​ແດງ​ຄວາມ​ຂອບ​ໃຈ ຕໍ່​ລັດຖະບານ ບຣູ​ໄນ ທີ່​ໄດ້​ໃຫ້ການ​ຊ່ວຍ​ເຫຼືອ​ແກ່ ສປປ ລາວ ​ໃນ​ດ້ານ​ຕ່າງໆ​ໃນ​ໄລຍະ​ຜ່ານ​ມາ ​ເຊັ່ນ: ການ​ຊ່ວຍ​ເຫຼືອ​ກໍ່ສ້າງ​ຕຶກ​ອາຄານ​ສະຫະພັນ​ແມ່ຍິງລາວ, ສູນ​ຟື້ນ​ຟູ​ຄົນ​ພິການ, ​ໂຮງຮຽນ​ເດັກ​ກຳພ້າ,​​ ໂຮງຮຽນມັດທະຍົມ, ສູນ​ປິ່ນປົວ ​ແລະ ຟື້ນ​ຟູ​ຜູ້​ຕິດ​ຢາ​ເສບ​ຕິດ, ​ແລະ ສະໜາມກິລາ​ໃນ​ຮົ່ມ​ຄົບ​ວົງ​ຈອນ​ສີ​ເກີດ, ​ເຊິ່ງລວມມູນ​ຄ່າ​ທັງ​ໝົດ 4.016.250 ​ໂດ​ລາສະຫະລັດ; ການ​ຊ່ວຍ​ເຫຼືອ​ດ້ານ​ການ​ພັດທະນາ​ຊັບພະຍາ​ກອນ​ມະນຸດ ພາຍ​ໃຕ້​​ໂຄງການ Brunei-US English Language Enrichment Project for ASEAN ທີ່​ໄດ້​ເລີ່​ມປະຕິບັດ​ມາ​ເປັນ​​ເວລາ 5 ປີ​ແລ້ວ. ພ້ອມ​ນັ້ນ, ຝ່າຍ​ລາວ ຍັງສະ​​ແດງ​ຄວາມ​ຂອບ​ໃຈ ຕໍ່​ການ​ເຂົ້າ​​ຮ່ວມກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 28 ​ແລະ ຄັ້ງ​ທີ 29 ທີ່ ສປປ ລາວ​ ​ເປັນ​ເຈົ້າພາບ​ໃນ​ປີ 2016 ທີ່ ວຽງ​ຈັນ ຂອງ​ສົມ​ເດັດ ຊຸນ​ຕານ ​ແຫ່ງ ບຣູ​ໄນ ​ແລະ ​ໄດ້​ປະກອບສ່ວນ ​ເປັນ​ເງິນ​ຈຳນວນ 300.000 ​ໂດ​ລາ​ສະຫະລັດ ​​ເພື່ອ​ຊຸກຍູ້​ການ​ເປັນ​ປະທານ​ອາ​ຊຽນຂອງ ລາວ ​ແລະ 500.000 ​ໂດ​ລາ​ສະຫະລັດ ​ເພື່ອ​ຊຸກຍູ້​ກອງ​ປະຊຸມ​ສຸດ​ຍອດອາ​ເຊັມ ຄັ້ງ​ທີ 9 ​ໃນ​ປີ 2012. ສອງຝ່າຍ ໄດ້ເຫັນດີນຳກັນ ໃນການສືບຕໍ່ເສີມຂະຫຍາຍ ການພົວພັນຮ່ວມມືກັນໃນດ້ານຕ່າງໆ ເປັນຕົ້ນແມ່ນດ້ານການຄ້າ ແລະ ການລົງທຶນ, ກະສິກຳ, ພະລັງງານ, ການສ້າງຊັບພະຍາກອນມະນຸດ, ການແລກປ່ຽນຄະນະຜູ້ແທນຂັ້ນຕ່າງໆ ລວມທັງຄະນະທາງດ້ານທຸລະກິດ ເພື່ອສືບຕໍ່ປຶກສາກັນ ຮ່ວມມືກັນໃນດ້ານທີ່ຕ່າງຝ່າຍຕ່າງມີທ່າແຮງ. ນອກນັ້ນ, ສອງຝ່າຍ ຍັງໄດ້ແລກປ່ຽນຄຳເຫັນ ຕໍ່ບາງບັນຫາ ພາກພື້ນ ແລະ ສາກົນ ທີ່ສອງຝ່າຍມີຄວາມສົນໃຈນຳກັນ.

 

     ໃນ​ຕອນ​ບ່າຍ​ຂອງ​ວັນ​​ດຽວ​ກັນ, ທ່ານ ສະ​ເຫຼີ​ມ​ໄຊ ກົມມະ​ສິດ ພ້ອມ​ດ້ວຍ​ພັນລະຍາ ແລະ ຄະນະ ຍັງ​ໄດ້​​ເຂົ້າ​ຢ້ຽມ​ຂ່ຳນັບ ສົມ​ເດັດ ຊຸນ​ຕານ ຮາ​ຈິ ຮັດ​ຊາ​ນານ ​ໂບນ​ເກ​ຍ ​ແຫ່ງ ບຣູ​ໄນ ດາຣູຊາ​ລາມ, ທີ່ ພະລາດ​ຊະ​ວັງ Istana,​ ທີ່ ບັນດາ​ ເສລິ ເບ​ກາ​ວັນ. ​ໃນ​ໂອກາດ​ດັ່ງກ່າວ, ທ່ານ​ລັດຖະມົນຕີ ​ໄດ້​ນຳ​ເອົາ​ຄວາມ​ຢື້​ຢາມ​ຖາມ​ຂ່າວ ຂອງ ພະນະ​ທ່ານ ບຸນ​ຍັງ ວໍລະ​ຈິດ,​ ປະທານ​ປະ​ເທດ ​ແຫ່ງ ສປປ ລາວ ​ເຖິງ ສົມ​ເດັດ ຊຸນ​ຕານ ຮາ​ຈິ ຮັດ​ຊາ​ນານ ​ໂບນ​ເກ​ຍ. ທັງ​ສອງ​ຝ່າຍ ​ໄດ້​ສະ​ແດງ​ຄວາມ​ຍິນ​ດີ ທີ່​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ຂອງ​ສອງ​ປະ​ເທດ ​ໄດ້​ຮັບ​ການ​ຊຸກຍູ້​ສົ່ງ​​ເສີມ ນັບ​ມື້​ນັບ​ຂະຫຍາຍ​ຕົວ​ຍິ່ງໆ​ຂຶ້ນ.

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
131950
ມື້ນີ້29
ມື້ວານ95
ອາທິດນີ້485
ເດືອນນີ້1962
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710