ໃນວັນທີ 2 ມີນາ 2017, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢຽມອຳລາຂອງ ທ່ານ ຢຸຊຸເກະ ມຸຣະກະມິ ( Yusuke MURAKAMI ), ຫົວໜ້າຜູ້ຕາງໜ້າອົງການຮ່ວມມືສາກົນຍີ່ປຸ່ນ ( JICA ) ປະຈຳ ສປປ ລາວ, ໃນໂອກາດທີ່ທ່ານ ໄດ້ສຳເລັດການປະຕິບັດໜ້າທີ່ຢູ່ ສປປ ລາວ.
ໃນໂອກາດດັ່ງກ່າວ, ທ່ານລັດຖະມົນຕີກະຊວງການຕ່າງປະເທດ ໄດ້ສະແດງຄວາມຍ້ອງຍໍຊົມເຊີຍ ພ້ອມທັງຕີລາຄາສູງຕໍ່ການປະຕິບັດໜ້າທີ່ຂອງ ທ່ານ ຢຸຊຸເກະ ມຸຣະກະມິ ໃນໄລຍະ 2 ປີ ຜ່ານມາ ( ເດືອນກຸມພາ 2015 - ມີນາ 2017 ) ທີ່ໄດ້ປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ຍີ່ປຸ່ນ ໂດຍສະເພາະແມ່ນການນຳເອົາການຊ່ວຍເຫຼືອຈາກລັດຖະບານ ແລະ ປະຊາຊົນຍີ່ປຸ່ນ, ຊຶ່ງໄດ້ສະແດງອອກໃນໝາກຜົນຂອງການຈັດຕັ້ງປະຕິບັດວຽກໃນ 38 ໂຄງການຊ່ວຍເຫຼືອລ້າ ມູນຄ່າ 10.564 ລ້ານ ເຢັນ. ພ້ອມດຽວກັນນີ້, ທ່ານລັດຖະມົນຕີກະຊວງການຕ່າງປະເທດ ຍັງໄດ້ຊົມເຊີຍຕໍ່ຜົນງານ ແລະ ຄຸນງາມຄວາມດີຂອງທ່ານ ທີ່ໄດ້ປະກອບສ່ວນອັນສຳຄັນໃຫ້ແກ່ການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຕີລາຄາສູງຕໍ່ບົດບາດຂອງອົງການຮ່ວມມືສາກົນຍີ່ປຸ່ນ ( JICA ) ປະຈຳ ສປປ ລາວ ໃນຖານະເປັນຕົວແທນໃຫ້ແກ່ ລັດຖະບານຍີ່ປຸ່ນ ໃນການຈັດຕັ້ງປະຕິບັດບັນດາໂຄງການຮ່ວມມືຕ່າງໆ ລະຫວ່າງ ສປປ ລາວ ແລະ ຍີ່ປຸ່ນ ຢ່າງມີປະສິດທີຜົນ ແລະ ຫວັງຢ່າງຍິ່ງວ່າ ອົງການຮ່ວມມືສາກົນຍີ່ປຸ່ນ ( JICA ) ຈະສືບຕໍ່ໃຫ້ການສະໜັບສະໜູນຊ່ວຍເຫຼືອແກ່ ສປປ ລາວ ແລະ ເສີມຂະສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງຊາດ ລາວ-ຍີ່ປຸ່ນ ໃຫ້ສືບຕໍ່ຂະຫຍາຍຕົວຢ່າງບໍ່ຢຸດຢັ້ງ ແລະ ມີປະສິດທິຜົນຍິ່ງໆຂຶ້ນ.
ທ່ານ ຢຸຊຸເກະ ມຸຣະກະມິ ກໍ່ໄດ້ສະແດງຄວາມຄວາມຂອບໃຈຕໍ່ ລັດຖະບານ ແຫ່ງ ສປປ ລາວ ທີ່ໄດ້ໃຫ້ການຮ່ວມມື, ສະໜັບສະໜູນ ແລະ ອຳນວຍຄວາມສະດວກ ໃຫ້ແກ່ການປະຕິບັດໜ້າທີ່ຂອງຜູ່ກ່ຽວ ກໍ່ຄືອົງການຮ່ວມມືສາກົນຍີ່ປຸ່ນ ( JICA ) ເປັນຢ່າງດີ ໃນຕະຫຼອດໄລຍະຜ່ານມາ ແລະ ຫວັງຢ່າງຍິ່ງວ່າ ຈະໄດ້ຮັບການສືບຕໍ່ຮ່ວມມືທີ່ດີຈາກລັດຖະບານລາວຕໍ່ໄປ.
ໃນໂອກາດດັ່ງກ່າວ, ທ່ານລັດຖະມົນຕີກະຊວງການຕ່າງປະເທດ ໄດ້ສະແດງຄວາມຍ້ອງຍໍຊົມເຊີຍ ພ້ອມທັງຕີລາຄາສູງຕໍ່ການປະຕິບັດໜ້າທີ່ຂອງ ທ່ານ ຢຸຊຸເກະ ມຸຣະກະມິ ໃນໄລຍະ 2 ປີ ຜ່ານມາ ( ເດືອນກຸມພາ 2015 - ມີນາ 2017 ) ທີ່ໄດ້ປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ຍີ່ປຸ່ນ ໂດຍສະເພາະແມ່ນການນຳເອົາການຊ່ວຍເຫຼືອຈາກລັດຖະບານ ແລະ ປະຊາຊົນຍີ່ປຸ່ນ, ຊຶ່ງໄດ້ສະແດງອອກໃນໝາກຜົນຂອງການຈັດຕັ້ງປະຕິບັດວຽກໃນ 38 ໂຄງການຊ່ວຍເຫຼືອລ້າ ມູນຄ່າ 10.564 ລ້ານ ເຢັນ. ພ້ອມດຽວກັນນີ້, ທ່ານລັດຖະມົນຕີກະຊວງການຕ່າງປະເທດ ຍັງໄດ້ຊົມເຊີຍຕໍ່ຜົນງານ ແລະ ຄຸນງາມຄວາມດີຂອງທ່ານ ທີ່ໄດ້ປະກອບສ່ວນອັນສຳຄັນໃຫ້ແກ່ການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຕີລາຄາສູງຕໍ່ບົດບາດຂອງອົງການຮ່ວມມືສາກົນຍີ່ປຸ່ນ ( JICA ) ປະຈຳ ສປປ ລາວ ໃນຖານະເປັນຕົວແທນໃຫ້ແກ່ ລັດຖະບານຍີ່ປຸ່ນ ໃນການຈັດຕັ້ງປະຕິບັດບັນດາໂຄງການຮ່ວມມືຕ່າງໆ ລະຫວ່າງ ສປປ ລາວ ແລະ ຍີ່ປຸ່ນ ຢ່າງມີປະສິດທີຜົນ ແລະ ຫວັງຢ່າງຍິ່ງວ່າ ອົງການຮ່ວມມືສາກົນຍີ່ປຸ່ນ ( JICA ) ຈະສືບຕໍ່ໃຫ້ການສະໜັບສະໜູນຊ່ວຍເຫຼືອແກ່ ສປປ ລາວ ແລະ ເສີມຂະສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງຊາດ ລາວ-ຍີ່ປຸ່ນ ໃຫ້ສືບຕໍ່ຂະຫຍາຍຕົວຢ່າງບໍ່ຢຸດຢັ້ງ ແລະ ມີປະສິດທິຜົນຍິ່ງໆຂຶ້ນ.
ທ່ານ ຢຸຊຸເກະ ມຸຣະກະມິ ກໍ່ໄດ້ສະແດງຄວາມຄວາມຂອບໃຈຕໍ່ ລັດຖະບານ ແຫ່ງ ສປປ ລາວ ທີ່ໄດ້ໃຫ້ການຮ່ວມມື, ສະໜັບສະໜູນ ແລະ ອຳນວຍຄວາມສະດວກ ໃຫ້ແກ່ການປະຕິບັດໜ້າທີ່ຂອງຜູ່ກ່ຽວ ກໍ່ຄືອົງການຮ່ວມມືສາກົນຍີ່ປຸ່ນ ( JICA ) ເປັນຢ່າງດີ ໃນຕະຫຼອດໄລຍະຜ່ານມາ ແລະ ຫວັງຢ່າງຍິ່ງວ່າ ຈະໄດ້ຮັບການສືບຕໍ່ຮ່ວມມືທີ່ດີຈາກລັດຖະບານລາວຕໍ່ໄປ.