ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ

2019.6.4-slx-hup-cuba1

2019.6.4-slx-hup-cuba2

ໃນຕອນເຊົ້າຂອງວັນທີ 07 ມິຖຸນາ 2019, ຢູ່ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ກໍາມະການສູນກາງພັກ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ໄດ້ໃຫ້ກຽດຕ້ອນຮັບ ທ່ານ ໂອເມໂຣ ອາໂກດສຕາ ອານວາເຣັດສ (Homero Acosta Alvarez), ກໍາມະການສູນກາງພັກຄອມ​ມູນິດກູບາ, ເລຂາທິການສະພາແຫ່ງລັດ, ສະ​ມາຊິກສະພາແຫ່ງຊາດອໍານາດປະຊາຊົນ ແຫ່ງ ສາທາລະນະລັດ ກູບາ, ພ້ອມດ້ວຍຄະນະ, ໃນໂອກາດເດີນທາງມາຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ ໃນລະຫວ່າງ ວັນທີ 06-07 ມິຖຸນາ 2019.

ໃນໂອກາດດັ່ງກ່າວນີ້, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຄວາມສໍາຄັນຂອງການຢ້ຽມຢາມຄັ້ງນີ້ ເຊິ່ງເປັນນິມິດໝາຍທີ່ສໍາຄັນໃນການສືບຕໍ່ຮັດແໜ້ນ ແລະ ເພີ່ມພູນຄູນສ້າງສາຍພົວພັນມິດຕະພາບຖານອ້າຍນ້ອງ ແລະ ການຮ່ວມມືອັນເປັນມູນເຊື້ອດີງາມ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ກູບາ ໃຫ້ຈະເລີນງອກງາມຍິ່ງໆຂຶ້ນໃນຊຸມປີຕໍ່ໜ້າ. ຄຽງຄູ່ກັນນັ້ນ, ກໍ່ໄດ້ສະແດງຄວາມຂອບໃຈຕໍ່ ທ່ານ ໂອເມໂຣ ອາໂກດສຕາ ອານວາເຣັດສ ທີ່ໄດ້ແຈ້ງໃຫ້ຊາບ ກ່ຽວກັບ ການພັດທະນາເສດຖະກິດ-ສັງຄົມ ແລະ ການປັບປຸງລັດຖະທໍາມະນູນສະບັບໃໝ່ ຂອງ ກູບາ. ໃນໂອກາດດຽວກັນນີ້, ທ່ານລັດຖະມົນຕີ ກໍໄດ້ອວຍພອນອັນປະເສີດໃຫ້ແກ່ ທ່ານ ໂອເມໂຣອາໂກດສຕາອານວາເຣັດສ ພ້ອມດ້ວຍຄະນະ ຈົ່ງປະສົບຜົນສໍາເລັດອັນຈົບງາມໃນການມາເຄື່ອນໄຫວວຽກງານ ຢູ່ ສປປ ລາວ ຄັ້ງນີ້ດ້ວຍ.

Lao Government
a
70th Anniversary of Lao Diplomacy

a
Photo Gallery
a
Visitors
180683
Today41
Yesterday99
This Week109
This Month770
a
visitors counted since 16 March 2015

225710 visitors