ນະ​ຄອນຫຼວງວຽງ​ຈັນ, ວັນ​ທີ 19 ກຸມ​ພາ 2021

             ພະນະທ່ານ,

ໃນ​ນາມ​ລັດ​ຖະ​ບານ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າພະເຈົ້າ ມີ​ຄວາມ​ປິ​ຕິ​ເປັນ​ຢ່າງ​ຍິ່ງ ສົ່ງຄຳຊົມເຊີຍອັນອົບ​ອຸ່ນ ມາຍັງ ພະນະທ່ານ ເນື່ອງໃນໂອກາດ ທີ່ ພະນະທ່ານ ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງ ສະທາລະນະລັດອີຕາລີ.

ຂ້າພະເຈົ້າ ​ເຊື່ອ​ໝັ້ນ​ວ່າພາຍ​ໃຕ້​ການ​ນຳ​ພາ​ ອັນ​ປີ​ຊາ​ສາ​ມາດ ຂອງ ​ພະ​ນະ​ທ່ານ, ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ລະຫວ່າງ ສອງປະເທດ ແລະ ສອງລັດຖະບານພວກເຮົາ ຈະໄດ້ຮັບ​ການຮັດ   ແໜ້ນ ແລະ ເສີມຂະຫຍາຍ​ຍິ່ງໆ​ຂຶ້ນ​ ເພື່ອຜົນປະໂຫຍດຂອງປະຊາຊົນສອງຊາດພວກ​ເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ໃນທົ່ວໂລກ.

ຂ້າພະເຈົ້າ ຂໍຖືໂອກາດນີ້ອວຍພອນ ​ໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ພະລານາໄມສົມບູນ ແລະປະສົບຜົນສໍາເລັດທຸກປະການໃນໜ້າທີ່ອັນສູງສົ່ງຂອງຕົນ ແລະ ປະ​ຊາ​ຊົນ ​ອີ​ຕາ​ລີ ເພື່ອນ​ມິດ ຈົ່ງ​ມີ​ຄວາມ​ຜາ​ສຸກ ແລະ ຈະ​ເລີນ​ຮຸ່ງ​ເຮືອງ​ຕະ​ຫຼອດ​ກາ​ລະ​ນານ.

                        ດ້ວຍຄວາມນັບຖືຢ່າງສູງ,

                                                                                                   ທອງລຸນສີ​ສຸ​ລິດ

ພະນະທ່ານມາ​ຣີ​ໂອດ​ຣັກ​ກີ

ນາຍົກລັດຖະມົນຕີແຫ່ງສະທາລະນະລັດອີຕາລີ

ທີ່ໂຣມ