logo
Lao Delegations attend the 26th ASEAN-Australia Forum
President granted Credentials to the new Lao Ambassadors
Promoting Awareness of UPR among Stakeholders

ສະຖາບັນການຕ່າງປະເທດ ຈັດກອງປະຊຸມສຳມະນາຂຶ້ນໃນຫົວຂໍ້: "ການຂຽນບົດປະກອບຄໍາເຫັນ ແລະ ບົດບັນທຶກຕ່າງໆ ໃຫ້ແກ່ການນຳ"

ໃນຕອນເຊົ້າວັນທີ 27 ທັນວາ 2013, ທີ່ຫ້ອງປະຊຸມໃຫຍ່ຂອງກະຊວງການຕ່າງປະເທດ, ສະຖາບັນການຕ່າງປະເທດໄດ້ຈັດຕັ້ງກອງປະຊຸມສຳມະນາຂຶ້ນໃນຫົວຂໍ້: ການຂຽນບົດປະກອບຄຳເຫັນແລະ ບົດບັນທຶກຕ່າງໆໃຫ້ແກ່ການນຳ, ​ໃຫ້ກຽດຂຶ້ນບັນຍາຍໂດຍ ທ່ານ ບຸນເກີດ ສັງສົມສັກ, ລັດຖະມົນຕີຊ່ວຍວ່າການ ກະຊວງການຕ່າງປະເທດຊຶ່ງເປັນການ​​ນຳຂອງຂະແໜງການຕ່າງປະເທດທ່ານໜຶ່ງ ທີ່ມີປະສົບການສູງແລະ ນຳເອົາຜົນສຳເລັດໃນການເຄື່ອນໄຫວວຽກງານການທູດມາຫຼາຍກວ່າ 30 ປີ ທັງແບບສອງຝ່າຍ, ຫຼາຍຝ່າຍໃນລະດັບພາກພຶ້ນແລະສາກົນ.

  ຈຸດປະສົງຂອງການຈັດກອງປະຊຸມສຳມະນາໃນຄັ້ງນີ້ ແມ່ນເພື່ອແນໃສ່ຍົກລະດັບຂີດຄວາມສາມາດໃນການຂຽນບົດຄຳເຫັນຕ່າງໆ ຂອງພະນັກງານກະຊວງການຕ່າງປະເທດແລະ ຄະນະພົວພັນຕ່າງປະເທດສູນກາງພັກໂດຍ​​ເໜັ້ນໜັກເຖິງການຮຽນຮູ້ວິທີການແລະ ບັນດາຮູບແບບໂຄງການຂອງການຂຽນບົດຄຳເຫັນແລະ ວິທີບັນທຶກການໂອ້ລົມ, ການພົບປະຂອງການນຳຂັ້ນສູງໃຫ້ເປັນເອກະພາບກັນ. ການຈັດກອງປະຊຸມສຳມະນາຄັ້ງນີ້ກໍແມ່ນການຈັດຕັ້ງຜັນຂະຫຍາຍມະຕິກອງປະຊຸໃຫຍ່ ຄັ້ງທີ IX ຂອງພັກປະຊາຊົນປະຕິວັດລາວແລະ ມະຕິກອງປະຊຸມວຽກງານການຕ່າງປະເທດຄັ້ງທີ XII ທີ່ແນ​​ໃສ່ສືບຕໍ່ການຈັດຕັ້ງປະຕິບັດການທູດປ້ອງກັນເຫດແລະ ບຸກທະລຸການພັດທະນາຊັບພະຍາກອນມະນຸດຂອງຂະແໜງການ​​ຕ່າງປະເທດເພື່ອເຮັດໃຫ້ພະນັກງານວິຊາການຂັ້ນຕ່າງໆ ​​ຍົກລະດັບຄວາມສາມາດດ້ານຕ່າງໆໃຫ້ສົມຄູ່ກັບຄວາມຮຽກຮ້ອງຕ້ອງການຂອງໄລຍະໃໝ່​​ແນໃສ່ປະຕິບັດພັນທະສາກົນຂອງ ສປປ ລາວໃຫ້ນັບມື້ສູງຂຶ້ນ. ​ໃນກອງປະຊຸມຄັ້ງນີ້ທ່ານໄດ້ເໜັ້ນເຖິງພາລະໜ້າທີ່ຂອງຜູ້ຮັບຜິດຊອບໂຕະວິຊາການ, ຮູບແບບການສ້າງບົດຄຳເຫັນຂອງຜູ້ນຳໃນການພົບປະສອງຝ່າຍ, ວິທີການ​​ຂຽນບົດບັນທຶກໃນການພົບປະສອງຝ່າຍຂອງຜູ້ນຳແລະ ວິທີບັນທຶກການພົບປະລະຫວ່າງທູດຕ່າງປະເທດ ເຂົ້າພົບພະນັກງານຂັ້ນຕ່າງໆຂອງກະຊວງການຕ່າງປະເທດ. ​ເຂົ້າຮ່ວມ​​ຮັບຟັງການສຳມະນາໃນຄັ້ງນີ້ມີພະນັກງານຂັ້ນກົມ, ຂັ້ນພະແນແລະ ວິຊາການຂອງກະຊວງການຕ່າງປະເທດແລະ ຄະນະພົວພັນຕ່າງປະເທດສູນກາງພັກເຂົ້າຮ່ວມຫຼາຍກວ່າ 200 ທ່ານ.

announcement

MOFA Calendar

Last month April 2014 Next month
S M T W T F S
week 14 1 2 3 4 5
week 15 6 7 8 9 10 11 12
week 16 13 14 15 16 17 18 19
week 17 20 21 22 23 24 25 26
week 18 27 28 29 30

Lao PDR Mission Abroad

Links

Embassy Links

We have 41 guests and no members online