ສະຖານທູດລາວ ຈັດງານລ້ຽງສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ແລະ ວັນສ້າງຕັ້ງສາຍພົວພັນການທູດ ລາວ-ມຽນມາ ຄົບຮອບ 70 ປີ
09/12/2025
ໃນວັນທີ 02 ທັນວາ 2025 ຜ່ານມາ, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ສສ ມຽນມາ ໄດ້ຈັດງານລ້ຽງສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ (02/12/1975-02/12/2025) ແລະ ວັນສ້າງຕັ້ງສາຍພົວພັນການທູດ ລາວ-ມຽນມາ ຄົບຮອບ 70 ປີ (12/07/1955-12/07/2025) ທີ່ນະຄອນຢັ້ງກຸ້ງ ໂດຍມີ ພະນະທ່ານ ອູ ຕານ ຊຸຍ (U Than Swe), ລັດຖະມົນຕີຕ່າງປະເທດ ສສ ມຽນມາ ໃນນາມແຂກກິຕິມະສັກ(Guest of honor), ມີປະທານສະມາຄົມມິດຕະພາບ ມຽນມາ-ລາວ, ລັດຖະມົນຕີກະຊວງສຶກສາ, ແຮງງານ, ການ ຄ້າ, ລັດຖະມົນຕີຂອງເຂດແຄວ້ນນະຄອນຢັ້ງກຸ້ງ (Chief Minister of Yangon), ນອກນັ້ນ, ຍັງມີຕາງໜ້າຂອງກອງທັບມຽນມາ ຊຶ່ງນໍາໂດຍ ພົນເອກ ຈໍ ຊົວ ລິນ (Kyaw Swa Lin), ຜູ້ບັນຊາການສາມເຫຼົ່າທັບ (ທະຫານບົກ, ເຮືອ ແລະ ອາກາດ) ພ້ອມພັນລະຍາ, ລວມທັງຂະແໜງການອ້ອມຂ້າງສູນກາງ ແລະ ທ້ອງຖິ່ນຂອງ ສສ ມຽນມາ, ບັນດາທູຕານຸທູດ, ນັກທຸລະກິດ ແລະ ຄະນະນໍາ, ພະນັກງານສະຖານທູດລາວ, ພ້ອມດ້ວຍບັນດານັກສຶກສາລາວ ທີ່ພວມສຶກສາຢູ່ ສສ ມຽນມາ ເຂົ້າຮ່ວມ.
ອ່ານເພີ່ມ
ການສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ ທີ່ປະເທດຍີ່ປຸ່ນ
09/12/2025
ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາປະເທດຍີ່ປຸ່ນ ໄດ້ຈັດພິທີສະເຫຼີມສະຫຼອງວັນສະ ຖາປະນາ ສປປ ລາວ ຄົບຮອບ 50 ປີ ໃນວັນທີ 28 ພະຈິກ 2025 ທີ່ ສໍານັກງານສະຖານທູດລາວ ທີ່ ໂຕກຽວ ໂດຍມີແຂກຈາກກະຊວງການຕ່າງປະເທດຍີ່ປຸ່ນ, ສະມາຄົມມິດຕະພາບລັດຖະສະພາ ຍີ່ປຸ່ນ-ລາວ, ບັນດາທູຕານຸທູດ, ບັນດາກົງສຸນກິດຕິມະສັກ ແຫ່ງ ສປປ ລາວ ປະຈໍາ ຍີ່ປຸ່ນ, ເພື່ອນມິດຊາວຍີ່ປຸ່ນ, ພີ່ນ້ອງຊາວລາວທີ່ດໍາລົງຊີວິດຢູ່ຍີ່ປຸ່ນ ແລະ ນັກສຶກສາລາວທີ່ກຳລັງສຶກສາຢູ່ຍີ່ປຸ່ນ ພ້ອມດ້ວຍພະນັກງານສະຖານທູດລາວ ທີ່ ໂຕກຽວ ເຂົ້າຮ່ວມປະມານ 250 ຄົນ.
ອ່ານເພີ່ມ
ກອງປະຊຸມລະດັບສູງ ບັນດາປະເທດດ້ອຍພັດທະນາ ທີ່ ນະຄອນຫຼວງໂດຮາ, ປະເທດກາຕາ
05/12/2025
ໃນລະຫວ່າງວັນທີ 2-4 ທັນວາ 2025, ທ່ານ ທອງຜ່ານ ສະຫວັນເພັດ, ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ປະຈຳອົງການ ສະຫະປະຊາຊາດ (ສປຊ) ທີ່ ນິວຢອກ ໄດ້ນຳພາຄະນະເຂົ້າຮ່ວມກອງປະຊູມປະຊຸມລະດັບສູງ ບັນດາປະເທດດ້ອຍພັດທະນາ ທີ່ ນະຄອນຫຼວງໂດຮາ, ປະເທດກາຕາ. ກອງປະຊຸມ ໄດ້ຈັດຂຶ້ນ ພາຍໃຕ້ຫົວຂໍ້: “ຮ່ວມກັນສ້າງຄວາມມຸ້ງມາດປາຖະໜາ ຂອງຄູ່ຮ່ວມມືສາກົນ ເພື່ອການຫຼຸດພົ້ນອອກຈາກສະຖານະພາບດ້ອຍພັດທະນາ ດ້ວຍຄວາມເຂັ້ມແຂງ ແລະ ຍືນຍົງ ສຳລັບບັນດາປະເທດດ້ອຍພັດທະນາ” (Forging Ambitious Global Partnerships for Sustainable and Resilient Graduation of Least Developed Countries), ໂດຍການເປັນປະທານຮ່ວມຂອງ ທ່ານ ມາຣຽມ ບິນອາລີ ບິນ ນາສເຊີ ອາວ ມີດສນັດ (Maryam bint Ali bin Nasser Al Misnad), ຮອງລັດຖະມົນຕີກະຊວງການຕ່າງປະເທດ ຮັບຜິດຊອບວຽກການຮ່ວມມືສາກົນ ປະເທດ ກາຕາ ແລະ ທ່ານ ນ. ຣາບັບ ຟາຕິມາ, ຮອງເລຂາທິການໃຫຍ່ ອົງການ ສປຊ, ຜູ້ຕາງໜ້າຂັ້ນສູງ ສຳລັບບັນດາປະເທດ ດ້ອຍພັດທະນາ, ປະເທດ ກຳລັງພັດທະນາບໍ່ມີຊາຍແດນຕິດທະເລ, ປະເທດເກາະດອນນ້ອຍກຳລັງພັດທະນາ (UN-OHRLLS) ແລະ ມີຄະນະຜູ້ແທນຂັ້ນສູງຈາກບັນດາປະເທດດ້ອຍພັດທະນາ, ປະເທດຄູ່ຮ່ວມມື ແລະ ອົງການຈັດຕັ້ງສາກົນ ເຂົ້າຮ່ວມຫຼາຍກວ່າ 150 ທ່ານ.
ອ່ານເພີ່ມ
ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ແຄນເບີຣາ ຈັດງານສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ
03/12/2025
ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາອົດສະຕຣາລີ ແລະ ນິວຊີແລນ ໄດ້ຈັດງານສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ (02/12/1975-02/12/2025) ທີ່ ສະຖານເອກອັກຄະລັດຖະທູດແຫ່ງ ສປປ ລາວ ທີ່ ແຄນເບີຣາ, ປະເທດອົດສະຕຣາລີ ໃນວັນທີ 28 ພະຈິກ 2025, ໂດຍມີທ່ານ ນາງ ມິດເເຊວ ຈັນ, ຮອງລັດຖະມົນຕີກະຊວງການຕ່າງປະເທດ ແລະ ການຄ້າອົດສະຕຣາລີ, ໃນນາມແຂກກິຕິມະສັກຂອງລັດຖະບານອົດສະຕຣາລີ, ບັນດາຫົວໜ້າກົມ ແລະ ເຈົ້າໜ້າທີ່ຂອງກະຊວງການຕ່າງປະເທດ ແລະ ການຄ້າອົດສະຕຣາລີ, ບັນດາກະຊວງຂະແໜງການທີ່ກ່ຽວຂ້ອງຂອງອົດສະຕຣາລີ, ທຸຕານຸທູດ, ຜູ້ຕາງໜ້າອົງການຈັດຕຕັ້ງສາກົນ, ພີ່ນ້ອງຄົນເຊື້ອຊາດລາວຢູ່ອົດສະຕຣາລີ, ພະນັກງານສະຖານທູດ ແລະ ບັນດານັກສຶກສາລາວ ຢູ່ ອົດສະຕຣາລີ ເຂົ້າຮ່ວມຫຼາຍກວ່າ 250 ຄົນ.
ອ່ານເພີ່ມ
ສະຖານທູດລາວ ປະຈໍາ ຮົງກາຣີ ຈັດພິທີສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 50 ປີ
03/12/2025
ໃນວັນທີ 28 ພະຈິກ 2025, ສະຖານເອກອັກຄະລັດຖະທູດລາວ ປະຈໍາ ຮົງກາຣີ ໄດ້ຈັດພິທີສະເຫຼີມສະຫລອງວັນຊາດ ທີ 2 ທັນວາ ຄົບຮອບ 50 ປີ, ພິທີດັ່ງກ່າວ, ທ່ານ ຄໍາພອນ ວົງສັນຕິ, ເອກອັກຄະລັດຖະທູດລາວ ປະຈໍາ ຮົງກາຣີ, ໄດ້ກ່າວບົດປາໃສຮ່ວມກັບ ທ່ານ Istvan Jakab, ຮອງປະທານສະພາ ແຫ່ງ ສາທາລະນະລັດ ຮົງກາຣີ (Deputy Speaker of National assembly) ຊຶ່ງໄດ້ຮັບເຊີນເປັນແຂກກິດຕິມະສັກຈາກປະເທດເຈົ້າພາບ ແລະ ມີຜູ້ຕາງໜ້າຈາກ ກະຊວງການຕ່າງປະເທດ ແລະ ການຄ້າ, ຮົງກາຣີ, ຕາງໜ້າບັນດາສະຖານເອກອັກຄະລັດຖະທູດ ທີ່ ບູດາແປສ, ນັກສຶກສາລາວ, ຄົນເຊື້ອຊາດລາວ ແລະ ບັນດາແຂກທີ່ມີກຽດ ເຂົ້າຮ່ວມຢ່າງພ້ອມພຽງ ລວມທັງໜົດ 150 ກວ່າທ່ານ.
ອ່ານເພີ່ມ
ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ພະນົມເປັນ ຈັດປາຖະກະຖາວັນສຳຄັນຂອງຊາດ
03/12/2025
ໃນຕອນບ່າຍຂອງວັນທີ 28 ພະຈິກ 2025 ຢູ່ທີ່ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາຣາຊະອານາຈັກ ກໍາປູເຈຍ ໄດ້ຈັດພິທີປາຖະກະຖາ ວັນສະຖະປານາ ສາທາລະນາລັດ ປະຊາທິປະໄຕປະຊາຊົນລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ, ວັນປະກາດເອກະລາດ ຄົບຮອບ 80 ປີ ແລະ ບັນດາເອກະສານສຳຄັນຕ່າງໆຂອງພັກ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ບົວແກ້ວ ພູມວົງໄຊ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈຳ ຣາຊະອານາຈັກ ກຳປູເຈຍ, ພ້ອມດ້ວຍພະນັກງານສະຖານທູດ ແລະ ນັກສືກສາລາວທີ່ກຳລັງສືກສາຢູ່ ຣາຊະອານາຈັກ ກຳປູເຈຍ ຈຳນວນ 80 ທ່ານ. ໃນພິທີປະຖະກະຖາ ທ່ານທູດ ໄດ້ກ່າວຄຳເຫັນວ່າ: ໃນທ່າມກາງບັນຍາກາດທີ່ທົ່ວພັກ, ລັດ ແລະ ປະຊາຊົນລາວບັນດາເຜົ່າ ມີຄວາມເບີກບານມ່ວນຊື່ນ ເອກອ້າງທະນົງໃຈພ້ອມກັນສ້າງຂະບວນການຢ່າງຟົດຟື້ນທີ່ເຕັມໄປດ້ວຍເນື້ອໃນຄວາມໝາຍສໍາຄັນຢ່າງເລິກເຊິ່ງ ໃນການ ຂໍານັບຮັບຕ້ອນສະເຫຼີມສະຫຼອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ.
ອ່ານເພີ່ມ
ເຜີຍແຜ່ການຈັດຕັ້ງປະຕິບັດ ແຜນຍຸດທະສາດການຂ້າມຜ່ານຂອງ ສປປ ລາວ ເພື່ອອອກຈາກສະຖານະພາບດ້ອຍພັດທະນາ ສຳລັບບັນດາແຂວງພາກເໜືອ ແລະ ພາກກາງ
03/12/2025
ໃນວັນທີ 27 ພະຈິກ 2025 ທີ່ ນະຄອນຫຼວງວຽງຈັນ, ກະຊວງການຕ່າງປະເທດ ໄດ້ຈັດກອງປະຊຸມເຜີຍແຜ່ການຈັດຕັ້ງປະຕິບັດແຜນຍຸດທະສາດການຂ້າມຜ່ານຂອງ ສປປ ລາວ ເພື່ອອອກຈາກສະຖານະພາບດ້ອຍພັດທະນາ ສຳລັບບັນດາແຂວງພາກເໜືອ ແລະ ພາກກາງ, ໂດຍການເປັນປະທານຂອງ ທ່ານ ນ. ມຸກດາວັນ ສີສຸລິດ, ຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ. ກອງປະຊຸມດັ່ງກ່າວມີຜູ້ເຂົ້າຮ່ວມຈາກບັນດາພະແນກການກ່ຽວຂ້ອງຈາກ ບັນດາແຂວງພາກເໜືອ ແລະ ພາກກາງ ລວມທັງຫມົດປະມານ 100 ທ່ານ. ສໍາລັບບັນດາແຂວງພາກໃຕ້, ກອງເລຂາ ໄດ້ສໍາເລັດຈັດກອງປະຊຸມເຜີຍແຜ່ໃຫ້ບັນດາແຂວງດັ່ງກ່າວໃນເດືອນ ມິຖຸນາ 2025 ຜ່ານມາ ທີ່ ແຂວງ ຈໍາປາສັກ.
ອ່ານເພີ່ມ
ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ກົວລາລຳເປີ ຈັດງານສະເຫລີມສະຫລອງ ວັນຊາດ ທີ 2 ທັນວາ ຄົບຮອບ 50 ປີ
03/12/2025
ໃນຕອນຄ່ຳຂອງວັນທີ 27 ພະຈິກ 2025, ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ກົວລາລຳເປີ ໄດ້ຈັດງານສະເຫລີມສະຫລອງວັນຊາດທີ 2 ທັນວາ ຄົບຮອບ 50 ປີ ທີ່ ໂຮງແຮນ JW Marriott ກົວລາລຳເປີ ໂດຍແມ່ນທ່ານ ນາງ Lim Hui Ying, ຮອງລັດຖະມົນຕີກະຊວງການເງິນ ໃນນາມຕາງໜ້າໃຫ້ລັດຖະບານມາເລເຊຍ ເຂົ້າຮ່ວມເປັນແຂກກິຕິມະສັກ ແລະ ມີບັນດາທູດຕານຸທູດຕ່າງປະເທດ, ບັນດາຄະນະກົມກະຊວງການຕ່າງປະເທດ, ພາກທຸລະກິດ, ນັກສຶກສາລາວ, ຄອບຄົວຄົນລາວທີ່ອາໃສຢູ່ມາເລເຊຍ ແລະ ເພື່ອນມິດ ປະມານ 300 ກວ່າຄົນ ເຂົ້າຮ່ວມງານສະເຫລີມສະຫລອງໃນຄັ້ງນີ້.
ອ່ານເພີ່ມ
ສະຖານກົງສຸນໃຫ່ຍ ສປປລາວ ທີ່ ນະຄອນດານັງ ຈັດພິທີສະເຫຼີມສະຫລອງວັນສະຖາປະນາ ສປປລາວ ຄົບຮອບ 50 ປີ ແລະ ວັນ ເກີດປະທານໄກສອນ ພົມວິຫານ ຄົບຮອບ 105 ປີ.
02/12/2025
ໃນຕອນແລງ ຂອງວັນທີ 28 ພະຈິກ 2025, ສະຖານກົງສຸນໃຫ່ຍ ສປປລາວ ທີ່ ນະຄອນດານັງ ໄດ້ຈັດຕັ້ງງານລ້ຽງສະເຫຼີມສະຫລອງ ວັນສະຖາປະນາ ສປປລາວ ຄົບຮອບ 50 ປີ ໂດຍມີທ່ານ ກົງສຸນໃຫຍ່ ພ້ອມດ້ວຍພະນັກງານສະຖານກົງສຸນໃຫຍ່ ແລະ ມີຄະນະພັກ; ອຳນາດການປົກຄອງ,ສະມາຄົມມິດຕະພາບ ຫວຽດນາມ-ລາວ; ທະຫານເຂດ 5; ອະດີດທະຫານອາສາສະຫມັກ ແລະ ອະດີດຊ່ຽວຊານຊ່ວຍເຫຼືອການປະຕິວັດລາວ; ພະນັກງານຕາງໜ້າພະແນກຂະແໜງການຕ່າງໆຂອງນະຄອນດານັງ; ນະຄອນເທື່ອ ທຽນ ເຫວ້ ແລະ ບັນດາແຂວງພາກກາງ-ໄຕຫງວຽນ ສສຫວຽດນາມ; ທ່ານ ກົງສຸນໃຫຍ່ ຕ່າງປະເທດທີ່ມີສຳນັກງານ ຕັ້ງຢູ່ນະຄອນດານັງ.
ອ່ານເພີ່ມ
